მსოფლიოს ყველაზე სექსუალური პრემიერ-მინისტრი - ესპანელ სანჩესს მილიონობით თაყვანისმცემელი ჰყავს

ჯასტინ ტრიუდოს, როგორც ჩანს, ყველაზე სიმპათიური პრემიერ-მინისტრის ტიტულის დათმობა მოუხდა - ესპანეთის ახალი პრემიერი სოციალური ქსელების მომხმარებლების გულს იპყრობს.

პედრო სანჩესი სულ რამდენიმე დღეა, რაც ესპანეთის მთავრობას ჩაუდგა სათავეში და უკვე მილიონობით თაყვანისმცემელი ჰყავს მსოფლიოში.

სოციალურ ქსელებში წერენ, რომ 46 წლის სანჩესი ბევრად სექსუალურია, ვიდრე კანადის პრემიერ-მინისტრი ჯასტინ ტრიუდო.

სანჩესი ესპანეთის სოციალისტური პარტიის წევრია. გარდა პრემიერ-მინისტრის თანამდებობისა, ის პარტიის გენერალური მდივანიც არის.

სანჩესმა თანამდებობა პრემიერ-მინისტრ მარიანო რახოის გადადგომის შემდეგ დაიკავა და „ფემინისტური“ მინისტრთა კაბინეტი დააკომპლექტა. ახლა ესპანეთის მთავრობაში 17 მინისტრიდან 11 ქალია.