ესპანეთს ქალები მართავენ - პრემიერმა "ფემინისტური კაბინეტი" წარადგინა

ესპანეთის სოციალისტმა პრემიერ-მინისტრმა პედრო სანჩესმა მინისტრთა კაბინეტი დააკომპლექტა, BBC-ს ინფორმაციით, 17 მინისტრიდან 11 ქალია.

სანჩესის გადაწყვეტილება ძალიან განსხვავდება მინისტრთა კაბინეტის წინა შემადგენლობიდან - პრემიერ-მინისტრის, მარიანო რახოის მთავრობაში უმრავლესობას მამაკაცები წარმოადგენდნენ.

ქალები უხელმძღვანელებენ უმნიშვნელოვანეს სამინისტროებს, მათ შორის - ეკონომიკის, ფინანსთა, განათლებისა და თავდაცვის უწყებებს.

მეცნიერების მინისტრად კი ყოფილი ასტრონავტი დაინიშნა.

სანჩესის მიერ დაკომპლექტებულ მთავრობას, რომელშიც შედიან როგორც მისი პარტიული კოლეგები, ისე - პოლიტიკის მიღმა არჩეული გამოცდილი ადამიანები, „ფემინისტურ კაბინეტს“ უწოდებენ. სატელევიზიო ინტერვიუში პრემიერ-მინისტრმა განაცხადა, რომ ახალი მთავრობა დაკომპლექტდა ადამიანებით, ვისაც ერთნაირი შეხედულება აქვთ პროგრესირებად საზოგადოებაზე და პრო-ევროპული ღირებულებები აქვთ.

პედრო სანჩესი

ქალები ესპანეთის მთავრობის 61.1 პროცენტს შეადგენენ, რაც ისტორიულად ქალების ჩართულობის ყველაზე მაღალი მაჩვენებელია.

მსოფლიოში სულ რამდენიმე ქვეყანაა, სადაც ორივე სქესი თითქმის თანაბრად არის გადანაწილებული - მათ შორის საფრანგეთი, შვედეთი და კანადა.

ნახეთ, ასევე : მსოფლიოს ყველაზე სექსუალური პრემიერ-მინისტრი - ესპანელ სანჩესს მილიონობით თაყვანისმცემელი ჰყავს