ფიტნეს კომპანიის დირექტორი, რომელსაც 3 დღე ეძებდნენ, პოლიციამ წყლით სავსე თხრილში იპოვა

ფიტნეს კომპანიის დირექტორი, რომელსაც 3 დღე ეძებდნენ, პოლიციამ წყლით სავსე თხრილში იპოვა

32 წლის მამაკაცს, რომელსაც ოჯახის წევრები სამი დღის განმავლობაში ეძებდნენ, პოლიციის თანამშრომლებმა დიღმის მასივში არსებულ მიტოვებულ ტერიტორიაზე, წყლით სავსე თხრილში მიაკვლიეს. Ambebi.ge-ს ინფორმაციით, იგი ერთ-ერთი ფიტნეს კომპანიის დირექტორია. 32 წლის მამაკაცი უგონო მდგომარეობაში იმყოფებოდა. სამართალდამცველებმა ის თხრილიდან უვნებლად ამოიყვანეს. ამოსაყვანად საჭირო გახდა სამაშველო სამსახურის გამოძახება.

ჩვენი ინფორმაციით, მამაკაცის დაკარგვის შესახებ ინფორმაცია გლდანი-ნაძალადევის სამმართველოში 20 ივნისს შევიდა. პოლიციას ახალგაზრდა ქალმა მიმართა და აცნობა, რომ მისი მეუღლე 18 ივნისს გავიდა სახლიდან და მას შემდეგ, მასთან დაკავშირებას ოჯახი და მეგობრები ვერ ახერხებდნენ.

პოლიციის თანამშრომლების მიერ გატარებული ოპერატიულ - სამძებრო ღონისძიებების შედეგად გაირკვა, რომ დაკარგული მამაკაცი 18 ივნისს საღამოს საათებში ბელიაშვილის ქუჩაზე იმყოფებოდა, იქიდან კი მისი კვალი გაურკვეველი მიმართულებით ქრებოდა. სამართალდამცველებმა მას 22 ივნისს მიაკვლიეს.

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ