იყო თუ არა შეთანხმებული ბიძინა ივანიშვილთან "ქართული ოცნებიდან" დავით ჭიჭინაძის გარიცხვა? - კალაძის კომენტარი

სხვა ბევრი, მნიშვნელოვანი პრობლემებია ქვეყანაში, რომელზეც შეგვიძლია ვისაუბროთ, - ასე უპასუხა თბილისის მერმა, კახა კალაძემ ჟურნალისტის მიერ დასმულ კითხვას, იყო თუ არა შეთანხმებული ბიძინა ივანიშვილთან "ქართული ოცნებიდან" დავით ჭიჭინაძის გარიცხვა.

"მე ამაზე გუშინ ვისაუბრე და ახლა აღარ ვაპირებ, არ არის ასეთი საინტერესო. სხვა ბევრი მნიშვნელოვანი პრობლემებია დედაქალაქსა და ქვეყანაში, რომელზეც შეიძლება ვისაუბროთ", - აღნიშნა კალაძემ.შეგახსენებთ, რომ "ქართულმა ოცნებამ" დავით ჭიჭინაძე პარტიიდან გარიცხა.