„ევროპული საქართველოს“ ერთ-ერთი ლიდერი გიგა ბოკერია ე.წ. მატროსოვის ციხეში ვანო მერაბიშვილისა და გოგა ონიანის მოსანახულებლად შევიდა. ჟურნალისტებმა ბოკერიას კითხვით მიმართეს, ხომ არ უკავშირდებოდა მისი ციხეში შესვლა მომავალ საპრეზიდენტო არჩევნებს, კერძოდ, რაიმე სახით კონულტაციებს ხომ არ გაივლის მათთან, რაზეც ბოკერიამ განაცხადა, რომ უბრალოდ მათ მოინახულებს.
„ვაპირებ, მოვინახულო ვანო მერაბიშვილი და გოგა ონიანი. მნიშვნელოვანი ინფორმაცია მათთვის მისაწოდებელი არ მაქვს. რაც შეეხება ზოგადად ამ მძიმე პრობლემას, ეს სამარცხვინო ფურცელი ჩვენი ქვეყნის ისტორიაში უნდა დაიხუროს, ფურცელი პოლიტიკური დევნის, ხელისუფლების შეცვლის შემდეგ პოლიტიკური მოტივით ოპონენტების დევნის და ეს აღარასოდეს არ უნდა განმეორდეს“, - განაცხადა ბოკერიამ.