მსოფლიოში ყველაზე ლამაზი ბავშვი - 5 წლის ნიგერიელი გოგო "ინსტაგრამს" იპყრობს

5 წლის ნიგერიელი გოგონა ჯარე პოპულარული მსოფლიოს მასშტაბით ხდება - „ინსტაგრამზე“ მას ათასობით თაყვანისმცემელი ჰყავს.

ჯარეს ფოტოები პირველად ნიგერიელმა ფოტოგრაფმა მოფე ბამუივამ გაავრცელა. ფოტოგრაფი ამბობს, რომ სურდა, გოგონას პოტენციალი ყველას ენახა.

ჯარე არ არის პროფესიონალი მოდელი, თუმცა დებთან, 7 წლის ჯომისთან და 10 წლის ჯობასთან ერთად ხშირად პოზირებს ფოტოკამერებთან.

ფოტოგენური ოჯახის სურათებს გოგონების დედა „ინსტაგრამზე“ აქვეყნებს. იმის მიუხედავად, რომ სოციალურ ქსელში გოგონების სულ რამდენიმე ფოტოა განთავსებული, „ინსტაგრამზე“ უკვე 80 ათასამდე მიმდევარი ჰყავთ.