ე.წ. მესაზღვრეებმა სოფელ საკორინთლოდან ერთი პირი გაიტაცეს

ე.წ. მესაზღვრეებმა კასპის მუნიციპალიტეტის სოფელ საკორინთლოდან მოქალაქე ვასილ სალამაშვილი გაიტაცეს. როგორც „ინტერპრესნიუსს“ სახელმწიფო უსაფრთხოების სამსახურში განუცხადეს, აღნიშნული პირი დაკავებულია ე.წ. საზღვრის უკანონოდ კვეთის ბრალდებით. სუს-ში აცხადებენ, რომ მომხდარის შესახებ ინფორმირებულია ევროკავშირის სადამკვირვებლო მისია და ამოქმედებულია ცხელი ხაზი.