ცოლმა 30 კგ მოიმატა, თუმცა ეს არაფერს ცვლის - პირს ბროსნანის დიდი სიყვარული, რომელსაც დრო ვერაფერს აკლებს

მსახიობი, რომელმაც კარიერის მანძილზე ქალების გულისმპყრობლის არაერთი როლი შეასრულა, 25 წელია ერთ ქალზეა დაქოწინებული და ამბობს, რომ კილი შეი სმიტი მისი ცხოვრების სიყვარულია.

პირს ბროსნანი არასოდეს მალავდა გრძნობებს საჯაროდაც კი საკუთარი ცოლის მიმართ. „ფეისბუქზე“ მან კილისთან ერთად გადაღებული ფოტო გააზიარა, წარწერით „მადლობა სიყვარულისთვის, ჩემო 25 წლის სიყვარულო“.

ბროსნანმა მომავალი ცოლი, ყოფილი ჟურნალისტი 1994 წელს გაიცნო. კილი სამსახურებრივ მოვალეობას ასრულებდა, როდესაც წვეულებაზე მსახიობს შეხვდა.

შვიდი წლის შემდეგ, 2001 წელს კილიმ და პირსმა ჯვარი დაიწერეს. ცერემონია ირლანდიაში შედგა, უძველეს ტაძარში.

წლების განმავლობაში წყვილის ურთიერთობა სამაგალითო იყო.

„მე და ჩემი ცოლი სანტა-ბარბარაში გავემგზავრეთ, უქმეების რომანტიკულად გასატარებლად. ვსვამდით ღვინოს, არ ჩაგვირთავს მუსიკა, ვუსმენდით მხოლოდ ერთმანეთის ხმას,“ - განაცხადა ბროსნანმა ჟურნალთან People ინტერვიუს დროს.

მსახიობი ამბობს, რომ ცოლი მისთვის დღემდე საოცრად ვნებიანია.

წყვილს ორი საერთო შვილი ჰყავს, 21 წლის დილანი და 17 წლის პერიზი. ბავშების გაჩენის შემდეგ კილიმ წონაში 30 კგ-ით მოიმატა, თუმცა ცვლილება მის ქმარს სრულიად არ აწუხებს. მედიის ინფორმაციით, ბროსნანი ცოლს დაემუქრა, რომ დაშორდება, თუ ის ლიპოსაქციას გაიკეთებს.