ვის მისცემდით ხმას, ხვალ რომ საპრეზიდენტო არჩევნები იყოს - AMBEBI.GE-ს გამოკითხვის შედეგები

საქართველოში საპრეზიდენტო არჩევნები 28 ოქტომბერს გაიმართება. საარჩევნო მარათონი სტარტს იღებს - პარტიების ნაწილმა პრეზიდენტობის კანდიდატები დაასახელა, ნაწილი ჯერ კიდევ გადაწყვეტილების მიღების პროცესშია, მათ შორის მმართველი გუნდიც.

ჩვენ დავინტერესდით, სავარაუდო კანდიდატებიდან, რომელს მისცემდა ხმას ჩვენი მკითხველი საპრეზიდენტო არჩევნების დღეს. AMBEBI.GE-სა და kvirispalitra.ge-ზე ხუთი დღის განმავლობაში მიმდინარეობდა გამოკითხვა - ხვალ რომ საპრეზიდენტო არჩევნები ტარდებოდეს, შესაძლო კანდიდატებიდან ვის მისცემდით ხმას? გამოკითხვაში მონაწილეობა მიიღო 22 300 მკითხველმა (აღსანიშნავია, რომ თითოეულს ხმის მიცემა მხოლოდ ერთხელ შეეძლო).

გამოკითხვის შედეგები ასე გადანაწილდა:

გამოკითხული მკითხველის ყველაზე დიდი ნაწილი - 30 % აფიქსირებს პოზიციას, რომ არც ერთ კანდიდატს არ მისცემდა ხმას, კონკრეტულ კანდიდატებს შორის კი ყველაზე მაღალი მხარდაჭერა - 19 % სალომე ზურაბიშვილმა დაიმსახურა, რომელსაც სავარაუდოდ „ქართული ოცნება“ უჭერს მხარს.

18 %-იანი მხარდაჭერა დაიმსახურა „ნაციონალური მოძრაობის“ კანდიდატმა გრიგოლ ვაშაძემ, შემდეგ პოზიციას კი 10 %-ით იკავებს პრეზიდენტობის კიდევ ერთი დამოუკიდებელი კანდიდატი ალეკო ელისაშვილი, რომელმაც შესაძლოა არჩევნებში კენჭი იყაროს.

სხვა პოზიციები კი ასე გადანაწილდა: