"თხილის მოსავლის 40-50% წელსაც განადგურდა" - რამ გააფუჭა ამჯერად თხილი?

სამეგრელოში ფერმერებმა თხილის ჩაბარება უკვე დაიწყეს. პროდუქციის ღირებულება წელსაც დაბალია. ადგილობრივების ინფორმაციით, ჩასაბარებელ პუნქტებში თხილის ფასი 50 თეთრიდან იწყება და 2.50-მდე აღწევს.

თხილის გადამამუშავებელთა და ექსპორტიორთა ასოციაციის აღმასრულებელი დირექტორის თქმით, წელს შარშანდელთან შედარებით უკეთესი მოსავალია. თუმცა, ალექსანდრე მოწერელიას განცხადებით, ფაროსანაზე მეტად ამ სეზონზე თხილი სოკოვანმა დაავადებებმა დააზიანა.

„მოსავალი იმერეთში, გურიასა და სამეგრელოში ძირითადად, სოკოვანი დაავადებების შედეგად გაფუჭდა. კახეთში ეს პრობლემა არ დგას, რადგან იქ მშრალი ჰავაა და სოფლის მეურნეობის წარმოების კულტურაც შედარებით მაღალია. თუ ფერმერები არ ისწავლიან მცენარის მოვლას, მუდმივად ამ გამოწვევების წინაშე ვიქნებით,“ - აცხადებს მოწერელია. თხილის გადამამუშავებელთა და ექსპორტიორთა ასოციაციის აღმასრულებელი დირექტორის თქმით, წელს თხილის უმსხვილეს ექსპორტიორ ქვეყანას - თურქეთს კარგი მოსავალი აქვს. ამასთანავე, ქვეყანაში მნიშვნელოვნადაა გაუფასურებული ლირა, ამიტომ როგორც მოწერელია აცხადებს, მსოფლიო ბაზარზე თურქული თხილის ფასი 5.80 დოლარი იქნება, ქართულის კი 5.30 დოლარი. განაგრძეთ კითხვა