მოთხრობის "როგორ უნდა მოკლა ქმარი" ავტორი საკუთარი ქმრის მკვლელობის ბრალდებით დააკავეს

მწერალი, რომელსაც ეკუთვნის მოთხრობა „როგორ უნდა მოკლა ქმარი“, საკუთარი ქმრის მკვლელობაშია ეჭვმიტანილი.

პორტლენდის პოლიციამ 68 წლის ნენსი კრემპტონ-ბროფი გასულ კვირას დააკავა, მას ბრალად მკვლელობა და იარაღის უკანონო ტარება ედება. მისი ქმარი, 63 წლის მზარეული დენ ბროფი ორეგონის კულინარიის ინსტიტუტის სამზარეულოში 2 ივნისს მოკლეს.

მკვლელობის მეორე დღეს მისმა მწერალმა ცოლმა „ფეისბუქზე“ პოსტი დაწერა :

"მეგობრებსა და ნათესავებს სამწუხარო ამბავი უნდა შევატყობინო. ჩემი ქმარი და საუკეთესო მეგობარი, დენ ბროფი გუშინ დილით მოკლეს. ვინც ჩემთვის განსაკუთრებით ახლობლები ხართ, ტელეფონით უნდა შემეტყობინებინა ამის შესახებ, თუმცა ახლა ძალიან ცუდად ვგრძნობ თავს“.

ნენსიმ ყველას სთხოვა, მისთვის არ დაერეკათ, რადგან სატელეფონo საუბარი მისთვის ძლიერი სტრესის გამო რთული იყო.

სასამართლოს დოკუმენტაციის მიხედვით, წყვილი 26 წლის დაქორწინებული იყო.