ლევან ყიფიანი საქართველოს რკინიგზაში პოსტს ტოვებს

სპორტის და ახალგაზრდობის საქმეთა ყოფილმა მინისტრმა ლევან ყიფიანმა „საქართველოს რკინიგზის“ სამეთვალყურეო საბჭო დატოვა. ამის შესახებ ყიფიანმა სოციალურ ქსელ „ფეისბუქში“ დაწერა.

„შექმნილი ვითარებიდან გამომდინარე, მივიღე გადაწყვეტილება, დავტოვო „საქართველოს რკინიგზის“ სამეთვალყურეო საბჭო. მადლობას გიხდით თანამშრომლობისთვის, გისურვებთ წარმატებას“ - წერს ლევან ყიფიანი.

შეგახსენებთ, თბილისის პროკურატურამ მედიაში რამდენიმე დღის წინ გავრცელებული საუბრის აუდიოჩანაწერებთან დაკავშირებით გამოძიება უკვე დაიწყო. ჩანაწერში საუბარი, სავარაუდოდ, ლევან ყიფიანსა და ზაზა ოქუაშვილს შორის მიმდინარეობს.

საქართველოს მთავარი პროკურატურა ლევან ყიფიანს 17 სექტემბერს, ხოლო ტელეკომპანია „იბერიას“ დამფუძნებელ ზაზა ოქუაშვილს თბილისში ჩამოსვლისთანავე გამოკითხავს.

იხილეთ ვიდეო: ლევან ყიფიანმა "საქართველოს რკინიგზის" სამეთვალყურეო საბჭო დატოვა