ავტორი:

"სასწაული ხდება... პარალიზებულია მთელი ტრასა" - ავტობანზე საგზაო სამუშაოების გამო, მძღოლები საათობით დგანან საცობში

"სასწაული ხდება... პარალიზებულია მთელი ტრასა" - ავტობანზე საგზაო სამუშაოების გამო, მძღოლები საათობით დგანან საცობში

თბილისი-სენაკი-ლესელიძის საავტომობილო გზის რამდენიმე მონაკვეთზე მოძრაობა შეფერხებულია. როგორც მგზავრები ამბობენ, განსაკუთრებით მძიმე მდგომარეობაა ნატახტართან და მცხეთასთან, სადაც მძღოლებს ერთ საათზე მეტი უწევთ საცობში დგომა.

მოძრაობის შეფერხება მცხეთის ხიდზე მიმდინარე სარემონტო სამუშაოებმა გამოიწვია. საავტომობილო გზების დეპარტამენტის ინფორმაციით, თბილისი-სენაკი-ლესელიძის საავტომობილო გზის 25-ე კმ-ზე არსებულ ხიდზე, ხიდების მოვლა-შენახვის ფარგლებში სარეაბილიტაციო სამუშაოები მიმდინარეობს, რის გამოც ავტოტრანსპორტის მოძრაობა, აღნიშნულ მონაკვეთზე ცალხმრივად შეზღუდულია. მიმდინარე სამუშაოები, 10-12 დღის განმავლობაში დასრულდება.

VIDEO: რა ხდება ნატახტართან

ერთ-ერთი ინტერნეტმომხმარებელი გიო გამყრელიძე წერს:

"ზუსტად 1 საათია მცხეთასთან ავტობანზე საცობში ვდგავარ. ჯიგრები ხიდზე ასფალტს აგებენ. კოკისპირულ წვიმაში და კვირა საღამოს, როცა ყველაზე დატვირთულია გზა. ერთი მაგათ ტვინში ჩამახედა ან ვინ გეგმავს ამ სამუშაოებს ან ვინ ასრულებს. სასწაული ხდება. პარალიზებულია მთელი ტრასა. ვერც სასწრაფო დადის ვერ სახანძრო" - წერს ინტერნეტმომხმარებლები. "ფეისბუქზე" მგზავრები საცობის ამსახველ ფოტოებსაც ავრცელებენ და წერენ, რომ თითქმის ორი საათი ანდომებენ მცირე მონაკვეთის გავლას.

შსს-ს ინფორმაციით, საავტომობილო გზაზე შექმნილი შეფერხების გამო გზაზე დამატებითი ეკიპაჟები არეგულირებენ მოძრაობას.

"სახეზეა ქრონიკული დაავადებების გამწვავება" - როგორ აფასებს ლევან რატიანი კახი კავსაძის ჯანმრთელობის მდგომარეობას

ორშაბათიდან თბილისში 180 ახალი მიკროავტობუსი ივლის

კალაძე მძღოლებს მიმართავს: "თუ ზამთრის საბურავები არ გიყენიათ, თავი შეიკავეთ ქალაქში მოძრაობისგან"