ავტორი:

"სახეზეა ქრონიკული დაავადებების გამწვავება" - როგორ აფასებს ლევან რატიანი კახი კავსაძის ჯანმრთელობის მდგომარეობას

"სახეზეა ქრონიკული დაავადებების გამწვავება" - როგორ აფასებს ლევან რატიანი კახი კავსაძის ჯანმრთელობის მდგომარეობას

პირველი საუნივერსიტეტო კლინიკის დირექტორის, ლევან რატიანის განცხადებით, კახი კავსაძის ჯანმრთელობის მდგომარეობა ამ ეტაპზე სტაბილურად მძიმეა. მსახიობის მდგომარეობაზე რატიანი "ტვ პირველს" ესაუბრა.

"ბატონი კახი კავსაძის მდგომარეობა შემოყვანისას შეფასდა კრიტიკულად, ვინაიდან კლინიკურად სახეზე იყო მისი ძირითადი დაავადებების გართულებები, სახეზე იყო სუნთქვის მწვავე უკმარისობა, ინფექციურ-ტოქსიკური შოკი, ძილიანობა. ამ ეტაპზე, ჩატარებული მკურნალობა შეიძლება ჩაითვალოს დადებითად, მდგომარეობა სტაბილურად მძიმედ ფასდება.

პაციენტი იმყოფება სპონტანურ სუნთქვაზე, არის ჟანგბადდამოკიდებული, ჰემოდინამიკა ამ ეტაპზე სტაბილურია. ინარჩუნებს პარამეტრებს. თქვენ იცით, რომ ბატონ კახის აქვს რამდენიმე ქრონიკული პათოლოგია და კლინიკურად სახეზეა ამ ქრონიკული დაავადებების გამწვავება.

ვიმედოვნებთ, რომ თუ ასე გაგრძელდა, ძირითადი დაავადებების გამომწვევი მიზეზები ლიკვიდირებული იქნება და ბატონი კახი, დაახლოებით, ერთ კვირაში გაეწერება კლინიკიდან", - განაცხადა ლევან რატიანმა.

მსახიობი კახი კავსაძე რეანიმაციულ განყოფილებაში 5 დღის წინ მოათავსეს.

"18 წელს ზემოთ მოქალაქეები ჩინური "სინოფარმის“ ვაქცინით აცრასთან დაკავშირებით რეგისტრაციის გავლას დღეიდან შეძლებენ" - ეკატერინე ტიკარაძე

"ბავშვიც ამ პანდემიის პერიოდის ნაყოფია... " - რას ჰყვება სოფო შევარდნაძე შვილის შეძენასა და წიგნზე, რომელიც პანდემიის დროს დაწერა?

„არემჯიმ“ CSR FORUM 2021-ზე კომპანიის კორპორაციული სოციალური პასუხისმგებლობის შესახებ პრეზენტაცია წარადგინა