"იაგო ნებიერიძე წარსულშიც ბავშვის გატაცებაზე იყო დაკავებული"
გორში მოკლული 8 წლის მოზარდის მკვლელობისთვის დაკავებულის მეზობლების ნაწილის ინფორმაციით, იაგო ნებიერიძე 9 წლის წინ ბავშვის გატაცებისთვის დააკავეს.
როგორც "რუსთავი 2"-თან საუბრისას ერთ-ერთი მეზობელი აცხადებს, გატაცებულს ნებიერიძე მალავდა.
"მსგავს სიტუაციაზე იყო დაკავებული, ბავშვის გატაცებაზე, ასეთი რამე გავიგე. დასამალი არაფერი არ არის. ეს ვიცი, რომ ვიღაც გოგო დაიჭირეს და ეს ნებიერიძე მალავდა. დეტალები ნამდვილად არ ვიცი",- აცხადებს ერთ-ერთი მეზობელი.
თუმცა, დაკავებულის დედის ინფორმაციით, იაგო ნებიერიძე სასჯელს ყაჩაღობისთვის იხდიდა. ნუნუ ნებიერიძე ამბობს, რომ მისმა შვილმა ქალისთვის ტელეფონის წართმევა სცადა, რის გამოც, 9-წლიანი სასჯელი მოიხადა.
შეგახსენებთ, გორში 25 ოქტომბერს, შუადღისას გაუჩინარებული 8 წლის გოგონა გარდაცვლილი იპოვეს. ბავშვის ცხედარი სამართალდამცავებმა წმინდა წყლის დასახლების ტერიტორიაზე ნახეს, მდინარე ლიახვის ნაპირას.
შინაგან საქმეთა სამინისტრომ გოგონას სასტიკ მკვლელობაში ბრალდებული გორში, ცხელ კვალზე დააკავა. ცოტა ხნის წინ უწყებამ დაკავების კადრებიც გაავრცელა. 1984 წელს დაბადებული მამაკაცი წარსულში ნასამართლევია.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
