"მზად ხარ სიკვდილისთვის?" - ელონ მასკი მარსზე გარდაცვალებას არ გამორიცხავს

ელონ მასკი ფიქრობს, რომ ბედის ირონია იქნება, თუ მარსზე გარდაიცვლება, ბიზნესმენი ამ შესაძლებლობას არ გამორიცხავს.

როგორც ცნობილია, ელონ მასკი და მისი კოსმოსური კომპანია SpaceX წითელი პლანეტის კოლონიზებას გეგმავენ. დღევანდელი გადასახედიდად ეს გეგმა ძალიან რეალისტურია, თუმცა საკმაოდ დაუჯერებლად მიიჩნეოდა 2002 წელს, როდესაც მასკმა კომპანია დააარსა.

SpaceX-ს ამ მიმართულებით მნიშვნელოვანი პროგრესი აქვს და მასშტაბურ პროექტზე - მარსამდე მისაღწევ სამგზავრო ხომალდზე Big Falcon Rocket-ზე - მუშაობს, ამ მიზნით სამუშაოებს სხვადახვა კომპანიასთან და NASA-სთან თანამშრომლობს.

„მოგზაურობა არ იქნება მარტივი“ - განაცხადა ელონ მასკმა ერთ-ერთ ინტერვიუში 2016 წელს, - „პირველი გამგზავრება მარსზე ნამდვილად სახიფათოა. სიკვდილის რისკი ძალიან მაღალი იქნება“.

ის ასევე დასძენდა, რომ დაისმება კითხვა - „მზად ხარ სიკვდილისთვის? თუ - კი, მაშინ შენ მარსზე გაფრენის კანდიდატი ხარ“. იხილეთ ვრცლად