თამარ ჩუგოშვილი - არ არსებობს ნორმა, რომელიც კრძალავს კარვის გაშლას, თუ ეს არ ქმნის ხელოვნურ დაბრკოლებას ტრანსპორტისთვის

"არ არსებობს ნორმა რომელიც კრძალავს კარვის გაშლას თუ ეს არ ქმნის ხელოვნურ დაბრკოლებას ტრანსპორტისთვის ან ორგანიზაციის ფუნქციონირებას არ უქმნის რეალურ საფრთხეს" - ამის შესახებ "ფეისბუქზე" პარლამენტის პირველი ვიცე-სპიკერი თამარ ჩუგოშვილი წერს. ის მოუწოდებს თბილისის მერიასა და შინაგან საქმეთა სამინისტროს, რომ კანონის ეს მოთხოვნა გაითვალისწინონ.

შეგახსენებთ, პარლამენტის შენობის წინ მიმდინარე აქციაზე კარვების დადგმის მცდელობას პოლიციასა და აქციის მონაწილეებს შორის დაპირისპირება მოყვა. პოლიციის თანამშრომლებმა აქციის მონაწილეებს კარვის გაშლის საშუალება არ მისცეს. დაპირისპირებისას ზაზა სარალიძის დედა ცუდად გახდა და ის საავადმყოფოსი გადაიყვანეს. რამდენიმე წუთის შემდეგ კი ექიმების დახმარება ზაზა სარალიძესაც დასჭირდა.