მიხეილ სააკაშვილი - წარმოიდგინეთ, ედუჩას ქორწილისთვის დაგვეხურა სვეტიცხოველი, რა ამბები დაიწყებოდა ჩვენს ქვეყანაში

საქართველოს მესამე პრეზიდენტი მიხეილ სააკაშვილი სოციალურ ქსელში ბერა ივანიშვილის ქორწილს ეხმაურება:

"მინდა ვუპასუხო იმ ფბ იუზერებს, რომლებიც იძახიან არც სააკაშვილის შვილებზე ვამბობთ რამეს და არც ივანიშვილისო. ჩემს შვილებს ოდესმე ვინმე შეუწუხებიხართ? ერთი წარმოიდგინეთ რომ ედუჩას ქორწილისთვის დაგვეხურა სვეტიცხოველი, იქიდან კვირა დღეს მრევლი გაგვეყარა და სკამები დაგვედგა, როგორც პროვინციული რიტუალების დარბაზში, რა ამბები დაიწყებოდა ჩვენს ქვეყანაში...რაც მოხდა, არის ყველა ტრადიციის დარღვევა და საზოგადოების სრული უპატივცემლობა ხო და,#არამიშას კი არა,იქნებ ყველამ ერთად ვთქვათ #არამონობას" - წერს სააკაშვილი.

შეგახსენებთ, სვეტიცხოვლის საკათედრო ტაძარში ბიძინა ივანიშვილის ვაჟმა ჯვრი დაიწერა. ბერას ერთ-ერთი მეჯვარე მისი მეგობარი, რეპერი ამიკო ჯანელიძეა. სადღესასწაულო ცერმეონიალთან დაკავშირებით, ტაძრის ტერიტორიაზე უსაფრთხოების ზომები მაქსიმალურად იყო გამკაცრებული. მთელი დღის განმავლობაში სოციალურ ქსელში წერდნენ, რომ ცერემონიის გამო სვეტიცხოველი დაკეტეს.