სალომე ზურაბიშვილის ნაცვლად, საარჩევნო ბანერებზე ბიძინა ივანიშვილი გამოჩნდა

თბილისში საარჩევნო ბანერების ნაწილზე, სალომე ზურაბიშვილის ნაცვლად, ბიძინა ივანიშვილის ფოტო გამოჩნდა, საარჩევნო სლოგანი კი არის - "პრინციპული არჩევანი". ბანერებზე ასევე წერია ფრაზა - "ღირსება, თავისუფლება, განვითარება".

იხილეთ ვიდეო: ზურაბიშვილის საარჩევნო ბანერზე, ივანიშვილი გამოჩნდა - კადრები თბილისის ქუჩებიდან

მეორე ტურისთვის სრულიად განახლდა სალომე ზურაბიშვილის საარჩევნო ბანერებიც, შეცვლილია ხელისუფლების მიერ მხარდაჭერილი კანდიდატის ფოტოები და სლოგანი - ფრაზა "ერთად საქართველოსთვის" ახალი დევიზით - "პრინციპული არჩევანი" ჩანაცვლდა.

2018 წლის საპრეზიდენტო არჩევნების მეორე ტური 28 ნოემბერს გაიმართება.

ფოტო: იდა ბახტურიძე, ნარიტა ჩხაიძე, დავით ქაშიაშვილი