ვაშაძის პასუხი სააკაშვილის მოწოდებაზე - "რაც შტაბში კოლექტიური გადაწყვეტილებით არ გაცხადებულა, რჩება ერთი ადამიანის პირად მოსაზრებად"
ის რაც კოლექტიური გადაწყვეტილებით არ მიღებულა და არ გაცხადებულა ამ ტრიბუნიდან, ამ შტაბში, რჩება ერთი ადამიანის პირად მოსაზრებად, - ასე უპასუხა გაერთიანებული ოპოზიციის პრეზიდენტობის კანდიდატმა გრიგოლ ვაშაძემ ჟურნალისტების შეკითხვას, რომელიც დაუმორჩილებლობის შესახებ მიხეილ სააკაშვილის მოწოდებას შეეხებოდა.
"თქვენ ჩემი სახელი და გვარი იცით?! მე, ჩემი მეუღლის და ჩემი ქალიშვილის და აი ამ ადამიანების თანაგუნდელი ვარ უპირველეს ყოვლისა და ის, რაც კოლექტიური გადაწყვეტილებით არ მიღებულა და არ გაცხადებულა ამ ტრიბუნიდან ამ შტაბში, რჩება ერთი ადამიანის პირად მოსაზრებად. მე რომ ვიზიარებდე ამ პოზიციას, ეს იქნებოდა ამ შტაბის და გაერთიანებული ოპოზიციის აზრი", - განაცხადა გრიგოლ ვაშაძემ.
ხვალინდელი დღიდან, მიუხედავად იმისა, რა შედეგები დადგება და იმედია შედეგი იქნება, ჩვენ გადავდივართ მასობრივ დაუმორჩილებლობაზე, - ამის შესახებ მიხეილ სააკაშვილმა, გავრცელებულ ვიდეომიმართვაში აღნიშნა. ექსპრეზიდენტის აზრით, ქართულმა საზოგადოებამ უნდა გააცნობიეროს საფრთხეები და გადაარჩინოს საქართველო.
LIVE: ალეკო ელისაშვილი და გიორგი ვაშაძე "ნიუსრუმში"
ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად
