დალია გრიბაუსკაიტე სალომე ზურაბიშვილს გამარჯვებას ულოცავს

ლიეტუვას პრეზიდენტი დალია გრიბაუსკაიტე საქართველოს პრეზიდენტის არჩევნების მეორე ტურის შედეგებს გამოეხმაურა.

“ვულოცავ არჩეულ პრეზიდენტ სალომე ზურაბიშვილს. თქვენი ქვეყნისა და ხალხის სამსახურში საუკეთესო წარმატებებს გისურვებთ”, - დაწერა ლიეტუვის პრეზიდენტმა “ტვიტერის” საკუთარ გვერდზე.

ცენტრალური საარჩევნო კომისიის მიერ, ხმების 99, 7 %-ის დათვლის შედეგად, საპრეზიდენტო არჩევნების მეორე ტურში მმართველი გუნდის მიერ მხარდაჭერილ კანდიდატ სალომე ზურაბიშვილს ხმა ამომრჩეველთა 59,56 %-მა მისცა, გაერთიანებული ოპოზიციის კანდიდატ გრიგოლ ვაშაძეს კი 40 44 %-მა.

ამ ეტაპზე 3 705 საარჩევნო უბნიდან დათვლილია 3683 ჩვეულებრივი და 11 სპეცუბანი.

რაც შეეხება შედეგებს კონკრეტული ხმების რაოდენობის მიხედვით, სალომე ზურაბიშვილმა 1 146 063 ხმა მიიღო, გრიგოლ ვაშაძემ კი - 778 167.