გაერთიანებული ოპოზიციის გეგმები ცნობილია - ისინი ვადამდელ საპარლამენტო არჩევნებს მოითხოვენ
გაერთიანებული ოპოზიცია ვადამდელ საპარლამენტო არჩევნებს მოითხოვს, - ამის შესახებ განცხადება "ძალა ერთობაშიას" პრეზიდენტობის კანდიდატმა, გრიგოლ ვაშაძემ გააკეთა. ვაშაძის ამ განცხადებას ფილარმონიაში შეკრებილი მხარდამჭერების ოვაციები მოჰყვა.
ვაშაძის თქმით, არჩევნები პროპორციული წესით უნდა ჩატარდეს, რომელსაც საერთაშორისო ორგანიზაციები დააკვირდებიან.
"არ ვაღიარებთ არჩევნებს და არ ვცნობთ მის შედეგებს. ჩვენ საქართველოში საპრეზიდენტო არჩევნები არ გვქონდა. ჩვენ გვქონდა კრიმინალური ტერორის პირობებში ჩატარებული, ხელისუფლების მიერ ორგანიზებული კრიმინალური ფარსი. ზუსტად ამიტომ ჩვენ ამ არჩევნებს არ ვაღიარებთ და მის შედეგებს არ ვცნობთ" - აღნიშნა ვაშაძემ.
აღნიშნული განცხადება გრიგოლ ვაშაძემ ფილარმონიაში გააკეთა, სადაც მხარდამჭერებთან შეხვედრა მიმდინარეობს.
LIVE: პირდაპირი ეთერი ფილარმონიიდან, სადაც გაერთიანებული ოპოზიცია ამომრჩეველთან შეხვედრას მართავს
ცესკოში არჩევნების შემაჯამებელი სხდომა იმართება, რომელიც ოპოზიციის ნაწილმა პროტესტის ნიშნად დატოვა - რას აცხადებს თამარ ჟვანია?
"არსებითი საკითხია, როდის მოვა ივანიშვილი გონს, რომ გამოსავალი ვადამდელ არჩევნებში იპოვოს" - რაზე შეთანხმდნენ ოპოზიციური პარტიების ლიდერები შეხვედრისას
