"მის მოსკოვი", რომელიც მალაიზიის მეფეზე დაქორწინდა, დასაორსულებლად გერმანიაში მკურნალობს

ყოფილი „მის მოსკოვი“, რომელიც ცოტა ხნის წინ მალაიზიის მეფეს გაჰყვა ცოლად, ტაბლოიდების ყურადღების ცენტრშია. „დეილი მეილი“ წერს, რომ ოქსანა ვოევოდინა დასაფეხმძიმებლად გერმანიის კლინიკაში მკურნალობს.

25 წლის ოქსანა ვოევოდინა 49 წლის სულთან მუჰამედ მეხუთე კელანტანზე გასულ კვირას დაქორწინდა. რამდენიმე თვის წინ მან ისლამი მიიღო. საქორწინო სუფრაზე ალკოჰოლი არ ჰქონიათ. მეფე მალაიზიურ ტრადიციულ სამოსში იყო გამოწყობილი, პატარძალს კი თეთრი საქორწინო კაბა ეცვა.

მუჰამედ მეხუთე ქორწინების გამო ღელავს, რადგან პირველ ცოლს ისე დაშორდა, შვილი არ ჰყოლიათ.

ოქსანასა და მალაიზიელი მონარქის ქორწილი 22 ნოემბერს მოსკოვში შედგა, საკონცერტო დარბაზში. სილამაზის კონკურსის ხელმძღვანელი ტატიანა ანდრეევას თქმით, წყვილმა ერთმანეთი ევროპაში გაიცნო, სადაც ვოევოდინა საათების სარეკლამო კამპანიაში მონაწილეობდა.

ოქსანამ მუსულმანური სახლი რიანა დაირქვა, ჰიჯაბიანი ფოტო კი ტვიტერზე გააზიარა.