ავტორი:

ზურაბიშვილის კომენტარი პრეზიდენტის ადმინისტრაციის დაკომპლექტებასა და ინაუგურაციისთვის თელავის შერჩევაზე

ზურაბიშვილის კომენტარი პრეზიდენტის ადმინისტრაციის დაკომპლექტებასა და ინაუგურაციისთვის თელავის შერჩევაზე

არ ვმალავ, რომ დიმიტრი გაბუნია არის ერთ-ერთი, რომელსაც განვიხილავ ჩემი გუნდის წევრად,- ამის შესახებ არჩეულმა პრეზიდენტმა სალომე ზურაბიშვილმა პრეზიდენტის ახალი ადმინისტრაციის შემადგენლობასთან დაკავშირებით განაცხადა. მისი თქმით, გუნდის ფორმირებასთან დაკავშირებით საბოლოო გადაწყვეტილება ჯერ არ მიუღია.

„ის არის ერთ-ერთი, რომელსაც გავნიხილავ, თუმცა სანამ საბოლოოდ არ არის ჩემი გუნდის შემადგენლობა დადასტურებული, ნაადრევია იმაზე საუბარი თუ ვინ იქნება და ვინ არა მისი წევრი. არ ვმალავ, რომ დიმიტრი გაბუნია არის ერთ-ერთი, მაგრამ ძალიან რთული სიტუაციაა. ჯერ ადმინისტრაციის საბოლოო ფორმატიც არ ვიცით და ამიტომ თავს ვიკავებ ისეთი გადაწყვეტილებების მიღებისგან, რომელიც მერე გადასახედი იქნება. მირჩევნია, როცა მივიღებ გადაწყვეტილებას, ეს იყოს საბოლოო,"- განაცხადა სალომე ზურაბიშვილმა.

„ინტერპრესნიუსის“ ინფორმაციით, გაბუნიას სალომე ზურაბიშვილი პრეზიდენტის საპარლამენტო მდივნის თანამდებობაზე მოიაზრებს. დიმიტრი გაბუნია სალომე ზურაბიშვილის ღია მხარდამჭერი იყო და მას დახმარებას საარჩევნო შტაბშიც უწევდა.

სალომე ზურაბიშვილის თქმით, ის არავიზე გაბუტული არ არის, მათ შორის არც მათზე, ვინც არჩევნებზე მხარი სხვა კანდიდატს დაუჭირა. ამიტომ ინაუგურაციისთვის იმ ადგილის ამორჩევა, სადაც ნაკლებმა ადამიანმა მისცა ხმა, იმის სიმბოლური დასტურია, რომ ყველას პრეზიდენტია.

"იმ ადგილის ამორჩევა, სადაც ნაკლებმა ადამიანმა მომცა ხმა, იმის სიმბოლური დასტურია, რომ მე ვარ ყველას პრეზიდენტი. არავისზე არ ვარ გაბუტული, თუნდაც არ მომცეს ხმა. ვთვლი, რომ ინაუგურაციის რეგიონში ჩატარება არის ძალიან სწორი. ქვეყანაში, პრინციპში ყველაფერი ტარდება თბილისში და ეს სწორი არ არის. ეს არის გზავნილი არა მხოლოდ თელავის იმ ამომრჩევლისთვის, რომლებმაც არ მომცეს ხმა, ეს არის გზავნილი მთელი იმ საზოგადოებისთვის, რომელმაც თავი შეიკავა ჩემთვის ხმის მიცემისგან და სხვადასხვა პარტიას დაუჭირა მხარი, რომ მე მათი პრეზიდენტიც ვიქნები. ამისთვის მზად ვარ და ეს არის ამის მაჩვენებელი," - განაცხადა სალომე ზურაბიშვილმა.

შეგახსენებთ, ზურაბიშვილის ინაუგურაცია 16 დეკემბერს გაიმართება.

LIVE: ალეკო ელისაშვილი და გიორგი ვაშაძე "ნიუსრუმში"

ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად

"პიკეტირება გაგრძელდება" - რას გეგმავენ "სირცხვილიას" ორგანიზატორები და როგორ არიან  აქციის დაშლის შედეგად დაშავებულები