რა შეიძინა 2017 წელს და როგორია თამარ ჟვანიას ქონებრივი მდგომარეობა

ცენტრალური საარჩევნო კომისიის თავმჯდომარედ კვლავ თამარ ჟვანია აირჩიეს. თამარ ჟვანია ცესკოს მომდევნო 5 წლის განმავლობაში უხელმძღვანელებს.

ეს პირველი შემთხვევაა, როდესაც ცესკოს თავმჯდომარე მეორე ვადით იქნა არჩეული. თამარ ჟვანიამ კენჭისყრაში მონაწილე 9 წევრიდან 8 მათგანის მხარდაჭერა მიიღო.

თამარ ჟვანიას 2018 წლის 27 ნოემბერს შევსებული ქონებრივი დეკლარაციის მიხედვით, წინა წლის შემოსავალმა აღნიშნულ თანამდებობაზე - 149 174,2 ლარი შეადგინა. გარდა ამისა, საზოგადოებრივ საქმეთა ინსტიტუტში ლექტორობისას ჟვანიამ შემოსავლის სახით, ორი თვის პერიოდში 2 062,5 ლარი მიიღო.

„ბიზნესპრესნიუსი“ გთავაზობთ ინფორმაციას, თუ რა ქონებას ფლობს ცესკო-ს თავმჯდომარე. მიმდინარე წელს შევსებული დეკლარაციის მიხედვით, თამარ ჟვანია ფლობს 116.10 კვადრატული მეტრი ფართობის ბინას თბილისში.

მასვე დეკლარაციის შევსების მომენტში სხვადასხვა საბანკო ანგარიშზე 51,47 დოლარი, 16,01 ევრო, 13 478.55 ლარი; ნაღდი ფულადი თანხის სახით კი 8 500 დოლარი ჰქონდა.

ამასთან, როგორც დეკლარაციაშია აღნიშნულია, წინა წელს ჟვანიამ შეიძინა ფერწერული ნამუშევარი და უძრავი ქონება, რომელთა შეძენის ხარჯმაც 2 500 დოლარი და 4 368 დოლარი შეადგინა. წაიკითხეთ სრულად