ცარიელი სკამი და უპასუხოდ დარჩენილი ჟურნალისტები - რატომ არ მივიდა ეკა ბესელია "პალიტრანიუსში"
ტელეკომპანია "პალიტრანიუსის" გადაცემაში "7VS1" მიწვეული სტუმარი, "ქართული ოცნების" ერთ-ერთი ლიდერი ეკა ბესელია არ მივიდა. როგორც გადაცემის წამყვანმა ნიკა საჯაიამ აღნიშნა, მმართველი გუნდის წარმომადგენლისგან გადაცემაში მონაწილეობაზე თანხმობა ჰქონდათ, ანონსიც გადიოდა ეთერში, თუმცა ბესელიას გადაწყვეტილების შესახებ მათთვის ცნობილი, გადაცემის დაწყებამდე 10 წუთით ადრე გახდა.
"დღევანდელ გადაცემაში მე და ექვს, სხვადასხვა მედიასაშუალების ჟურნალისტს უნდა ესაუბრა "ქართული ოცნების" ერთ-ერთ ლიდერთან ეკა ბესელიასთან, თუმცა ხედავთ, რომ ჩემს მარჯვნივ სკამი ცარიელია. მოხდა პირველი პრეცედენტი, როდესაც სტუმარმა ჩვენთან გადაცემაში მონაწილეობაზე უარი განაცხადა. აღსანიშნავია, რომ ჩვენი გადაცემის პროდიუსერებმა ინფორმაცია, რომ ბესელია ვერ მოახერხებდა "პალიტრანიუსში" მოსვლას, 10 წუთით ადრე შეიტყვეს. ბოდიშს ვუხდი მაყურებელს, რომ დღეს ვერ მიიღებთ პასუხს, რომელიც გაგაჩნიათ მმართველი პარტიის წარმომადგენელთან და ადამიანთან, რომელსაც აქვთ პრეტენზია, რომ ქვეყანაში პროცესები დემოკრატიულად მიმდინარეობს..." - აღნიშნა გადაცემის წამყვანმა.
მისი თქმით, ბესელიას არმოსვლის სავარაუდო მიზეზი მთავრობის ადმინისტრაციაში დაგეგმილი საგანგებო სხდომა გახდა, რომელსაც ის უნდა დასწრებოდა. თუმცა როგორც ჩვენთვის გახდა ცნობილი, მთავრობის ადმინისტრაციაში დღეს ბესელია საერთოდ არ იმყოფებოდა.
LIVE: ალეკო ელისაშვილი და გიორგი ვაშაძე "ნიუსრუმში"
ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად
