"დაშორდი თუ მოკვდა, სიყვარული სიყვარულად რჩება" - როგორ გადაიტანა ნელი აგირბამ ქმრის გარდაცვალება და ვინ არის მისი ახალი შეყვარებული
„მხოლოდ ქართულის“ ერთ-ერთი წამყვანი ნელი აგირბა, მაყურებელს დაახლოებით ერთი წლის წინ დაემშვიდობა. მას მეუღლე გარდაეცვალა, რის შემდეგაც ჟურნალისტმა საყვარელ საქმიანოაბზე უარი თქვა და ერთწლიანი "ტაიმ-აუტი" აიღო. როგორ ცხოვრობს დღეს ნელი აგირბა და ვინ არის მისი ახალი სიყვარული, ამის შესახებ ჟურნალი „თბილსიელებს“ ესაუბრა.
ნელი აგირბა: თითქმის ერთი წლის წინ წავედი ტელევიზიიდან და ცხოვრებაში პირველად დავისვენე. ძილი და განტვირთვა კარგი ყოფილა, მაგრამ ახლა მივხვდი, რომ ზამთარში ბევრი გადასახდელია. ზაფხულში მარტივად გამოვძვერი. მოკლედ შემოსავალი დამჭირდა, გაბუს ვკითხე რამე საჭიროება ხომ არ გაქვთ არაპოლიტიკურ ჭრილში-მეთქი?! პოლიტიკას ვერ გავქაჩავ, ჩელეს სიკვდილის შემდეგ აზრი დაკარგა.
- რატომ მაინცდამაინც პოლიტიკამ?
- იმიტომ, რომ პოლიტიკაში ბევრი ამპარტავნობა, გაიძვერობა და მატერიალური სამყაროს ძალიან სერიოზული აღქმაა. კიდევ რაღაცეების და ვიღაცების გამეტება ჩემთვის რთულია. თუმცა იყო პერიოდი, როცა გულთან ახლოს მიმქონდა ყველაფერი, მიხაროდა ის ცვლილებები, რომელსაც ვიწვევდით. მაგრამ სიკვდილთან შეხება ბევრ რამეს ცვლის. „მხოლოდ ქართულის“ პირველ გადაცემაზე რომ მივდიოდი, მეშინოდა იმ ეფექტის, რასაც ეს სიახლე ჩემზე მოახდენდა. მას შემდეგ რაც ეს ტრავმა მივიღე, „სადღაც გაღმა ვარ“. ბავშვები მეძახიან, მაგრამ არ მესმის. საკმაოდ დიდხანს ვიყავი იზოლაციაში და თურმე სოციალიზაციაც მომნატრებია. მაგრამ ახლა უნდა ვისწავლო ბალანსი, უცებ ამიფეთქდა ემოციები და მეორე დღეს ენერგიისგან დაცლილმა გავიღვიძე, დავვარდი და მთელი დღე მეძინა.
- ეს ერთი წელი როგორი იყო ემოციურად?
- არ იყო მარტივი. ემოციური გათიშულობები მაქვს ხოლმე - ენერგია რომ არ გაქვს. გღვიძავს, მაგრამ გძინავს. დავიწყე სელის ზეთის სმა, რადგან ომეგას მაღალი შემცველობა აქვს. ერთი პერიოდი უკვდავას ვსვამდი, სხვათაშორის უშველა ჩემი ენერგიის ნაკლებობას, დავარდნილობას, სევდას. მოკლედ ნაღვლიანი რომ ხარ, მაგ დროს კარგია და მეტაბოლიზმსაც აწესრიგებს. კიდევ ერთ მცენარეს ვიყენებ პასიფლორას, იგივე ვნების ყვავილს, რომელიც შფოთვებს და უენერგიობას შველის. გარდა ამისა, მუსიკას დავუბრუნდი და მე და ჩემი შეყვარებული რაღაცებს ვაკეთებთ.
- ალბათ ბავშვებსაც მიუძღვით წვლილი თქვენს გამოკეთებაში?
- კი, რეალურად ბავშვების გამო დავრჩი ფიზიკურ სამყაროში. თავიდან ჩემთვის სიყვარული გაქრა, აბსოლუტურად ვერაფრის და ვერავის მიმართ ვერ განვიცდიდი ამ გრძნობას. გული დაიხურა და მერე ნელ-ნელა, პირველად ბავშვების მიმართ დაიწყო გახსნა. წაიკითხეთ სრულად
ბუბამ ცოლს ისეთი სახლი და ბაღი აჩუქა, რომელზეც ირინა ოცნებობდა - როგორ იქცა თბილისელი დონჟუანი იდეალურ მეოჯახედ?
"მადლობა ყველას, ვისაც გულით გიხარიათ ჩვენი სიკეთე და ბედნიერება" - ნანუკა გოგიჩაიშვილი შვილს ელოდება (ფოტო)
