ზაზა სარალიძე ელისო კილაძესთან ერთად პარლამენტში გახარიას გამოსვლას ესწრება

პარლამენტის რიგგარეშე სხდომას, სადაც გაწეული მუშაობის ანგარიშით შს მინისტრი გიორგი გახარია გამოდის, ხორავას ქუჩაზე მოკლული დავით სარალიძის მამა ზაზა სარალიძე და ელისო კილაძე ესწრებიან.

საპარლამენტო უმრავლესობის მხრიდან მინისტრის მისამართით ითქვა, რომ პარლამენტის დადგენილებით გაცემული რეკომენდაციებიდან გამომდინარე, არსებობს საფუძველი იმისა, დაიწყოს გამოძიება კონკრეტულ მოხელეთა მიმართ დანაშაულის შესაძლო ჩადენის ფაქტზე. როგორც დეპუტატმა ანრი ოხანაშვილმა სესიაზე განაცხადა, საზოგადოებამ ჯერ კიდევ ვერ მიიღო პასუხი თუ ვინ მოკლა დავით სარალიძე.