ჭავჭავაძეზე მომხდარი ავარიის მონაწილე სასწრაფოს მძღოლი დააკავეს - არც მთვრალი იყო და არც ნარკოტიკების ზემოქმედების ქვეშ
ჭავჭავაძის გამზირზე მომხდარი ავტოსაგზაო შემთხვევის მონაწილე სასწრაფო სამედიცინო დახმარების ავტომობილის მძღოლი დაკავებულია.
როგორც „ინტერპრესნიუსს“ შსს-ში განუცხადეს, სასწრაფოს მძღოლი 276-ე მუხლის საფუძველზეა დაკავებული, რაც სატრანსპორტო საშუალების უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
ამასთან, შსს-ში აცხადებენ, რომ დაკავებულს ჩაუტარდა შესაბამისი ექსპერტიზა და დადგინდა, რომ სასწრაფოს მძღოლი არ იმყოფებოდა არც ნარკოტიკული და არც ალკოჰოლური თრობის ქვეშ. დაკავებულისთვის ბრალი ჯერ არ წარუდგენიათ.
ჭავჭავაძის გამზირზე ავტოსაგზაო შემთხვევის შედეგად 12 პირი დაშავდა, ერთი კი გარდაიცვალა. დაშავებულები სხვადასხვა კლინიკებში არიან გადაყვანილები. სასწრაფო სამედიცინო დახმარების ავტომობილი ჭავჭავაძის გამზირზე ერთ-ერთ მშენებარე ობიექტთან მოქალაქეებს დაეჯახა.
"ჩემი ძმის გატაცების საქმეშიც ფიგურირებდა ცნობილი სპორტსმენი..." - 25 წლის წინ მომხდარი ტრაგედია, რომელიც ოჯახს შაქარაშვილის საქმემ ხელახლა გაახსენა
"ექსპერტის განცხადების შემდეგ გამიჩნდა ეჭვი, რომ ეს არის მკვლელობა" - შაქარაშვილის საქმეში დაზარალებულის, ვახო ახვლედიანის ადვოკატი
