რატომ "დაალაიქა" 27-მა მილიონმა ადამიანმა ინსტაგრამზე კვერცხის სურათი

კვერცხის ფოტომ კაილი ჯენერის შვილის სურათის რეკორდი მოხსნა და „ინსტაგრამზე“ ყველაზე მეტი მოწონებიანი პოსტი გახდა, ამის შესახებ CNBC წერს.

სურათი სოციალურ ქსელში განთავსდა გვერდზე @world_record_egg და მას თითქმის 27 მლნ მოწონება აქვს. კაილი ჯენერის შვილის ფოტო კი, რომელიც მოდელმა გასულ წელს გააზიარა, 18 მილიონმა ადამიანმა მოიწონა.

„ერთად დავამყაროთ მსოფლიო რეკორდი და დავძლიოთ კაილი ჯენერის ახლანდელი რეკორდი!“ - მოუწოდებს გვერდის ადმინისტრატორი სოციალური ქსელების მომხმარებლებს. კვერცხის ფოტო უამრავმა ქართველმა ინტერნეტმომხმარებელმაც მოიწონა.

გვერდს 2.5 მილიონი „ფოლოუერი“ ჰყავს.