ნიუ-იორკში ქართული ბიბლიოთეკა გაიხსნა

ნიუ-იორკში, ქუინსის ბიბლიოთეკაში ქართული ბიბლიოთეკა გაიხსნა, ამის შესახებ "ფეისბუქზე" საქართველოს ეროვნული ბიბლიოთეკის ხელმძღვანელი გიორგი კეკელიძე წერს.

"პროცესი სამი წლის წინ დაიწყო და დღეს სიმბოლურად დასრულდა – ბიბლიოთეკაში ასობით ქართული გამოცემა, ფილმი და აუდიო–ჩანაწერია. ამერიკაში ვიზიტით, ჩემს თანამშრომლებთან – ლევან თაქთაქიშვილთან და მაია სიმონიშვილთან ერთად ვიმყოფები. წინ კიდევ რამდენიმე ძალიან მნიშვნელოვანი ამბავი გვაქვს ჩვენი ქვეყნისთვის, მადლობა მხარდაჭერისთვის "ამერიკის ხმას’’, საქართველოს საკონსულოს ნიუ–იორკში, გამომცემლობა პალიტრა L–ს," - წერს კეკელიძე.