"იქნებიან აგენტები და აღრიცხავენ შეყვარებულებს" - ემზარ კვიციანი ოჯახების გასაძლიერებლად ფონდის შექმნას აპირებს
პარლამენტის ოპოზიციონერი დეპუტატი ემზარ კვიციანი ამბობს, რომ მომავალში ემიგრანტებთან ერთად, ოჯახების გასაძლიერებლად ორგანიზაციის ან ფონდის დაფუძნებას აპირებს. ამის შესახებ კვიციანმა ტელეკომპანია "პალიტრანიუსის" გადაცემა "360 გრადუსში" განაცხადა. მისი განმარტებით, ფონდი იმ შეყვარებულ წყვილებს დაეხმარება, "რომლებსაც დაქორწინება უნდათ და ამის საშუალება არ აქვთ".
"ძალიან ბევრი ემიგრანტი მწერს. მალე დაფუძნდება ახალი ორგანიზაცია, შეიძლება ფონდიც იყოს, სადაც ემიგრანტები ჩარიცხავენ ფულს და დაიწყება დახმარება ახალი ოჯახების გასაძლიერებლად. ხომ არიან შეყვარებულები, რომლებიც ვერ ბედავენ ოჯახის შექმნას, რადგან არ აქვთ საშუალება?! იქნებიან აგენტები, რომლებიც ივლიან, აღრიცხვაზე აიყვანენ ასეთ შეყვარებულებს და მაგათთვის იქნება დახმარება. ასეთი წყვილები დაწერენ განცხადებას ორგანიზაციის სახელზე, რომ ვაპირებთ დაქორწინებას და გთხოვთ დახმარებას. ამის შემდეგ დახმარება წავა მათზე. ეს ყველაფერი გაპიარებული იქნება მთელ საქართველოში, რომ ეს იქნება დახმარება ქართველებისთვის", - განაცხადა ემზარ კვიციანმა.
LIVE: ალეკო ელისაშვილი და გიორგი ვაშაძე "ნიუსრუმში"
ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად
