კომიდან გამოსულმა გოგონამ აღმოაჩინა, რომ დედა გახდა

4-დღიანი კომიდან გამოსულმა გოგონამ აღმოაჩინა, რომ მისთვის სრულიად მოულოდნელად, ბავშვი ჰყავდა გაჩენილი.

BBC-ს ინფორმაციით, 18 წლის ებონი სტივენსონს წარმოდგენა არ ჰქონდა, რომ ორსულად იყო. ერთ დღეს თავი შეუძლოდ იგრძნო და ლოგინში დაწვა. მოულოდნელად ძლიერი შეტევები დაეწყო, გონება დაკარგა და ოჯახის წევრებმა საავადმყოფოში გადაიყვანეს.

ექიმებმა აღმოაჩინეს, რომ გოგონა იშვიათი შემთხვევა იყო - მას ერთის ნაცვლად ორი საშვილოსნო ჰქონდა. ბავშვი წელთან ახლოს მდებარე საშვილოსნოში ჩაისახა და ვითარდებოდა, ამიტომ ებონის მუცელი არ გაზრდია, ორსულობის განმავლობაში კი მენსტრუალური ციკლიც ჩვეულებისამებრ ჰქონდა.

გოგონა კომიდან 6 დეკემბერს გამოვიდა და აღმოაჩინა, რომ 3.500 კგ გოგონას დედა გამხდარიყო.