რას წერს "ფეისბუქზე" მამუკა ხაზარაძე პარლამენტში ჩაშლილი სხდომის შემდეგ

ჩვენ მზად ვართ შესაბამის საპარლამენტო კომიტეტში კიდევ ერთხელ მივიდეთ, რათა დავაფიქსიროთ ჩვენი პოზიცია საჯარო ტრიბუნიდან, - აღნიშნულის შესახებ "თიბისი ბანკის" დამფუძნებელი, ბიზნესმენი მამუკა ხაზარაძე სოციალურ ქსელში წერს. მისი თქმით, ის კონკრეტულ შემოთავაზებას უმაღლეს საკანონმდებლო ორგანოსგან უახლოეს დღეებში ელოდება. ხაზარაძე იმედოვნებს, რომ მალე გაირკვევა სიმართლე და არ შეიქმნება ვითარება შემდგომი გაუგებრობისა და სპეკულაციებისთვის.

"როგორც თქვენთვის ცნობილია, დღეს პარლამენტის დარგობრივი ეკონომიკის კომიტეტის სხდომა არ შედგა და არ მომეცა საშუალება გამოვსულიყავი და მეთქვა ჩემი სათქმელი. ჩვენ მზად ვართ შესაბამის საპარლამენტო კომიტეტში კიდევ ერთხელ მივიდეთ, რათა დავაფიქსიროთ ჩვენი პოზიცია საჯარო ტრიბუნიდან. რადგან ეს სცდება ერთი და ორი ადამიანისა თუ ინსტიტუტის საკითხს და ეხება მთლიანად ქვეყანას და ამასთან, ძალიან მაღალია საზოგადოების ინტერესი, ველოდებით კონკრეტულ შემოთავაზებას უმაღლესი საკანონმდებლო ორგანოსგან უახლოეს დღეებში. იმედია, მალე გაირკვევა სიმართლე და არ შეიქმნება ვითარება შემდგომი გაუგებრობისა და სპეკულაციებისთვის", - წერს მამუკა ხაზარაძე.