სალომე ზურაბიშვილი და მეჰრიბან ალიევა შეხვედრაზე თეთრი სამოსით - რა ფოტოებს აქვეყნებს აზერბაიჯანის პირველი ლედი

სალომე ზურაბიშვილი ოფიციალური ვიზიტით აზერბაიჯანში იმყოფება. ის ქვეყნის პრეზიდენტს, ილჰამ ალიევს შეხვდა, მოგვიანებით კი ზურაბიშვილს ვიცე-პრეზიდენტმა და პირველმა ლედიმ, მეჰრიბან ალიევამ უმასპინძლა.

სალომე ზურაბიშვილის „ფეისბუქის“ ოფიციალურ გვერდზე აღნიშნულია, რომ მეჰრიბანთან შეხვედრა „ძალიან უშუალო და ნაყოფიერი იყო“.

„ჩვენ უნდა გადავდგათ უფრო მეტი ქმედითი ნაბიჯი, რათა მოხდეს ჩვენი ხალხის კულტურული დაახლოება, ეკონომიკურ თანამშრომლობის გაძლიერებასთან ერთად.

ქართველი და აზერბაიჯანელი ხალხი უფრო კარგად უნდა იცნობდეს ერთმანეთს,“ - წერს ზურაბიშვილი.

საქართველოს პრეზიდენტთან ერთად გადაღებულ ფოტოებს „ფეისბუქზე“ აქვეყნებს მეჰრიბან ალიევაც - შეხვედრაზე ზურაბიშვილსა და ალიევას თეთრი სამოსი აცვიათ, ოფიციალური ფოტოებისთვის კი საქართველოსა და აზერბაიჯანის დროშების წინ პოზირებენ.