ვარკეთილში მიკროავტობუსის მძღოლი ცივი იარაღით დაჭრეს. ამის შესახებ ინფორმაცია „ინტერპრესნიუსს“ შინაგან საქმეთა სამინისტროში დაუდასტურეს.
როგორც უწყებაში აცხადებენ, კონფლიქტი მძღოლსა და მის ნაცნობს შორის მაშინ მოხდა, როდესაც მიკროავტობუსი გაჩერებაზე იმყოფებოდა.
შსს-ს ცნობით, დაჭრაში ბრალდებული დაკავებულია და საქმეზე გამოძება სისხლის სამართლის კოდექსის 120-ე მუხლი მიმდინარეობს, რაც ჯანმრთელობის განზრახ მსუბუქ დაზიანებას გულისხმობს.
მიკროავტობუსის მძღოლი ამ ეტაპზე საავადმყოფოშია მოთავსებული.