ფოტორეპორტაჟი დიდი დიღმიდან, სადაც წუხელ 1800 კვ.მ ფართი დაიწვა

დიდ დიღომში, ხანძრის შედეგად დაშავებული მამაკაცი მკურნალობას კლინიკა „ვივა მედის“ ინტენსიური თერაპიის განყოფილებაში განაგრძობს. როგორც „ინტერპრესნიუსს“ კლინიკა „ვივა მედში“ განუცხადეს, მისი მდგომარეობა სტაბილურია და სიცოცხლეს საფრთხე არ ემუქრება.

„პაციენტს კლინიკაში შემოყვანისას აღენიშნებოდა ინტოქსიკაცია და წვივის ძვლის მოტეხილობა. ამჟამად პაციენტი მკურნალობას ინტენსიური თერაპიის განყოფილებაში განაგრძობს. მისი მდგომარეობა სტაბილურია“, - აცხადებენ კლინიკაში.

არაოფიციალური ინფორმაციით, ხანძრის გამომწვევ მიზეზად სამი ვერსია სახელდება.

პირველი ვერსიით, ხანძარი დაუდევრობამ გამოიწვია, მეორე ვერსიით, მიზეზია ძველი ელექტროგაყვანილობა, მესამე ვერსიით კი – დარღვეული იყო უსაფრთხოების ზოგადი ნორმები. დღეიდან შემთხვევის ადგილზე მუშაობას ექსპერტ-კრიმინალისტები დაიწყებენ.

შეგახსენებთ, რომ დიდ დიღომში, ერთ-ერთ საწყობში ხანძარი გუშინ გაჩნდა. ადგილზე 23 სახანძრო ბრიგადა მუშაობდა. დაიწვა 1800 კვ მეტრი ფართობი. ხანძრის შედეგად ერთი ადამიანი დაშავდა.

• დღის ფოტო დიდი დიღმიდან - მეხანძრე-მაშველებმა ცეცხლმოკიდებული საწყობიდან ლეკვები გამოიყვანეს

ფოტოები: გიორგი ჟარმელაშვილი