ჰარი და მეგანი "ინსტაგრამზე" დარეგისტრირდნენ და მსოფლიო რეკორდი მოხსნეს

პრინცმა ჰარიმ და მეგან მარკლმა მსოფლიო რეკორდი მოხსნეს. „ინსტაგრამზე“ გუშინ საერთო პროფილის შექმნიდან თითქმის 6 საათის შემდეგ მილიონზე მეტი მიმდევარი ჰყავდათ, რამაც გინესის რეკორდებში აღნიშნულ შემთხვევებს გადააჭარბა.

ამ დროისთვის სასექსის ჰერცოგსა და ჰერცოგინიას 3.4 მლნ-ზე მეტი მიმდევარი ჰყავთ.

ჰარიმ და მეგანმა მოხსნეს კეი-პოპის ვარსკვლავის კენგ დენიელის რეკორდი, რომელმაც იანვარში 11 საათსა და 36 წუთში 1 მლნ მიმდევარი მოაგროვა.

დენიელამდე კი „ინსტაგრამის“ რეკორდსმენი რომის პაპი იყო.

სამეფო წყვილის თაყვანისმცემლები ვარაუდობენ, რომ ბავშვის შეძენას საზოგადოებას ქეითი და მეგანი სწორედ "ინსტაგრამის" საშუალებით შეატყობინებენ.