ავტორი:

"მცირეწლოვან გოგონებს აუპატიურებდა და შემდეგ სახლამდე აცილებდა..." - პედოფილიის შემზარავი შემთხვევები რუსეთში

"მცირეწლოვან გოგონებს აუპატიურებდა და შემდეგ სახლამდე აცილებდა..." - პედოფილიის შემზარავი შემთხვევები რუსეთში

რუსეთში, ბოლოგოდსკის მხარეში დააკავეს 41 წლის მამაკაცი, რომელიც სერიულ პედოფილიაშია ბრალდებული. Газета.Ru საგამოძიებო უწყებებზე დაყრდნობით წერს, რომ მამაკაცი მოზარდებზე 14 წლის განმავლობაში ძალადობდა, თუმცა, საქმის გახსნა ვერ ხერხდებოდა.

2004 წლის შემოდგომაზე, ქალაქ ჩერეპოვეცში, ბრალდებულმა სახლისკენ მიმავალი 17 წლის გოგონა კორპუსში შეათრია, მასზე იძალადა, შემდეგ კი სახლამდე მიაცილა და შემთხვევის ადგილიდან მიიმალა. იმავე წელს, იმავე ქალაქში 10 წლის გოგონა გააუპატიურეს. ადგილობრივი გამოცემა Красный север წერდა, რომ მოძალადემ მსხვერპლი მე-10 სართულის აივანზე მიიმწყვდია.

გამოძიება დაიწყო, თუმცა, დამნაშავე ვერ იპოვეს. მოგვიანებით, 2005 წლის გაზაფხულზე, სექსუალური ძალადობა მოხდა 8 წლის გოგონაზე, რომელსაც მამაკაცი დაემუქრა, თუ რამეს იტყოდა - მოკლავდა.

"ამის შემდეგ, შეშინებული გოგონა თავად ადიოდა იმ სართულზე, რომელზეც მამაკაცი იბარებდა. შემდეგ კი, მას სახლამდე აცილებდა... გამოძიების ვარაუდით, მანიაკი ასე იმიტომ იქცეოდა, რომ დარწმუნებულიყო, გოგონები გზაში დახმარებას არავის თხოვდნენ და მის შესახებ არავის მოუყვებოდნენ" - წერს გამოცემა, რომლის ცნობითაც, ბრალდებული ადრეც იყო ნასამართლევი სხვადასხვა საქმეზე, მათ შორის სექსუალურ ძალადობაზე.

სამართალდამცველებმა ადგილობრივები, მათ შორის არასრულწლოვნები დაკითხეს და მათ მიერ მიცემული ჩვენებების საფუძველზე ფოტორობოტი შეადგინეს. ყველა დაზარალებულმა ამოიცნო 41 წლის მამაკაცი, რომელიც ერთ-ერთ დასახლებაში თავის ახლობელთან ცხოვრობდა და მტვირთავად მუშაობდა.

"4 კლასი აქვს დამთავრებული, სავალდებულო სამხედრო სამსახურისთვის დაიწუნეს. მან ჩადენილი დანაშაულებები უარყო, თუმცა, ექსპერტიზის საფუძველზე დამნაშავედ ცნეს, მკაცრი რეჟიმის კოლონიაში გაამწესეს და 21 წლით პატიმრობა მიუსაჯეს" - წერს Газета.Ru.

რუსული მედიის ცნობით, ბოლო წლებში, არასრულწლოვნებზე სექსუალური ძალადობის ფაქტები გახშირდა. 2017 წლის აგვისტოში, იმავე ქალაქში, ჩერეპოვეცში, 65 წლის მამაკაცმა 11 წლის გოგონაზე იძალადა. მოზარდი მოძალადის შვილის მეგობარი იყო და ერთ სახლში ცხოვრობდნენ. მამაკაცს 12- წლიანი პატიმრობა მიუსაჯეს.

ასევე, მიმდინარე წლის მარტში, მოსკოვში დააკავეს მამაკაცი, რომელმაც 10 წლის წინ მოსკოვიდან არასრულწლოვანი ბიჭი გაიტაცა და წლების განმავლობაში დაკეტილ ბინაში სექსუალურ მონად ჰყავდა. როგორც გაირკვა, ბავშვის დედა სვამდა და შემდეგ შვილს სცემდა. ამიტომ, არასრულწლოვანი მუდმივად გარბოდა სახლიდან. ერთ-ერთი ასეთი შემთხვევისას, ბავშვმა აღნიშნული მამაკაცი გაიცნო, რომელმაც მოზარდის ნდობა მოიპოვა და თავის ბინაში წაიყვანა, სადაც ჩაკეტა.

“მომხდარს 10 წლის განმავლობაში ეძებდნენ. საქმე ის არის, რომ მეზობლებს, რომლებსაც ბიჭის ტირილისა და ყვირილის ხმა ესმოდათ, სამართალდამცავი უწყებებისთვის არც ერთხელ არ მიუმართავთ... მოძალადეს ბიჭი ქუჩაში, მხოლოდ მისი მეთვალყურეობის ქვეშ გაჰყავდა. 2017 წელს, პოლიციამ ქუჩაში ორივე მათგანი შემთხვევით გააჩერა და მოგვიანებით გაირკვა, რომ ორივე იძებნებოდა... ასევე გაირკვა, რომ მოძალადეს მსგავსი სახის დანაშაული ადრეც ჰქონდა ჩადენილი, თუმცა ამის გამო არ დასჯილა. მას 20 წლით თავისუფლების აღკვეთა მიუსაჯეს" - წერს УралПолит.Ru.

კიდევ ერთი ფაქტი, რომელიც 2019 წლის მარტში, ისევ მოსკოვში მოხდა ასეთია - პედოფილი ინტერნატში მყოფ ბიჭებზე მეურვეობას აფორმებდა, დაწესებულების ხელმძღვანელობისგან მათი სახლში წამოყვანის ნებართვას იღებდა, მათზე სექსუალურად ძალადობდა და შემდეგ ისევ უკან აბრუნებდა. გარკვეული დროის შემდეგ, 50 წლის მამაკაცს უკვე სხვა ბიჭი მიჰყავდა ინტერნატიდან.

"საქმე მას შემდეგ გაიხსნა, რაც მან ინტერნატის ერთ-ერთი თანამშრომლის შვილი წაიყვანა სახლში და იძალადა... მასთან ერთად, საქმე აღძრულია ინტერნატის თანამშრომლების მიმართაც, რომლებიც ვალდებული იყვნენ ბავშვებისთვის ყურადღება მიექციათ" - წერს Lenta.ru.

დამლაგებლობიდან NASA-მდე და "პერსევერანსის“ ფრენის დირექტორობამდე - ამერიკაში 300 დოლარით ჩასული გოგონას გზა მარსის საიდუმლოებისკენ

შვეიცარიაში მოსახლეობამ საჯარო ადგილებში სახის დაფარვის, მათ შორის ბურკასა და ნიქაბის ტარების აკრძალვას მხარი დაუჭირა

"ქორწილამდე რამდენიმე დღით ადრე ქეითმა მატირა...სასახლეში ცხოვრების დროს მინდოდა ცოცხალი აღარ ვყოფილიყავი" - მეგან მარკლის სკანდალური ინტერვიუ