"შეძლებ კანონიერება აღადგინო, ჩემი უკრაინული პასპორტი დამიბრუნო და უკრაინაში შემიშვა? - კიევში შეხვედრამდე!" - სააკაშვილი პოროშენკოს
საქართველოს ყოფილმა პრეზიდენტმა მიხეილ სააკაშვილმა პეტრო პოროშენკოს მოუწოდა, მას უკრაინის მოქალაქეობა დაუბრუნოს, რომელიც „უკრაინის კანონმდებლობისა და საერთაშორისო ნორმების დარღვევებით იყო წართმეული“. ამის შესახებ მიხეილ სააკაშვილმა Facebook-ში გავრცელებულ ვიდეომიმართვაში განაცხადა.
მისივე თქმით, პოროშენკომ მას მოქალაქეობა წაართვა მაშინ, როდესაც ის უკრაინის ტერიტორიაზე არ იმყოფებოდა.
„მაშინ აშშ-ში გავემგზავრე, რათა აშშ-ს კონგრესში უკრაინის ინტერესებისთვის ლობირება განმეხორციელებინა. თქვენ მე მოქალაქეობა წამართვით უკრაინის კანონმდებლობისა და საერთაშორისო ნორმების დარღვევით“, - განაცხადა მიხეილ სააკაშვილმა.
საქართველოს ყოფილმა პრეზიდენტმა ასევე აღნიშნა, რომ პოროშენკოს ადმინისტრაციის ზეწოლის გამო სასამართლოები აყოვნებენ მისთვის მოქალაქეობის დაბრუნებას.
„შეძლებ კანონიერება აღადგინო, ჩემი უკრაინული პასპორტი დამიბრუნო და უკრაინაში შემიშვა? კიევში შეხვედრამდე“, - დასძინა მან.
LIVE: ალეკო ელისაშვილი და გიორგი ვაშაძე "ნიუსრუმში"
ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად
