ზუგდიდელმა მეთევზემ ანკესით ადამიანის ზომის თევზი დაიჭირა

ზუგდიდელმა მეთევზემ, სერგო ყურაშვილმა სენაკის მუნიციპალიტეტის სოფელ ახალსოფელში, მდინარე ტეხურაში ანკესის საშუალებით ლოქო დაიჭირა, რომელიც ადამიანის ზომისაა. მეთევზის შვილის თქმით, თევზი 60 კილოგრამს იწონის, სიგრძეში კი, 1 მეტრი და 80 სანტიმეტრია.

ეს უჩვეულო ამბავი AMBEBI.GE-ს მეთევზის შვილმა მამუკა ყურაშვილმა უამბო, რომელიც მდინარეზე მამასთან ერთად თევზაობდა.

"ტეხურაზე ვთევზაობდით, ახალსოფელში. ღამისთევით ვიყავით, მთელი ღამის განმავლობაში ვერ დავიჭირეთ, მეორე დღეს პირველ საათზე დაიჭირა მამაჩემმა. დაახლოებით 200 მეტრში ვთევზაობდი მეც. დამირეკა, თევზი დავიჭირეო და ამოყვანაში დამეხმარეო.

იხილეთ ვიდეო

ჯერ ზუგდიდში არ ჩავსულვართ, დღეს ალბათ წამოვიღებთ თევზსაც და დავურიგებთ ახლობლებსა და მეზობლებს. ჩვენი პირველი რეკორდი 30 კილოგრამი იყო და ახლა გავაუმჯობესეთ. მეორე თუ დავიჭირეთ, ნათქვამია, რომ გავუშვებთ“, - ამბობს მამუკა ყურაშვილი.

მეთევზემ გიგანტური თევზის მდინარიდან ამოყვანის ამსახველი კადრებიც გადაიღო.

გარემოს დაცვის ზედამხედველობის სამსახურში აცხადებენ, რომ ანკესით თევზჭერა დაშვებულია.