"სიყვარული პასუხია..." - ნოე სულაბერიძე და ჯანეტ ქერდიყოშვილი თაფლობისთვეს იტალიაში ატარებენ

პროდიუსერი ნოე სულაბერიძე და "მის საქართველო" ჯანეტ ქერდიყოშვილი ევროპულ ტურნეს აგრძელებენ. წყვილი ცოტა ხნის წინ ავსტრიაში ისვენებდა, სადაც მოდური ჟურნალის L'Officiel Austria-ის ღონისძიებას დაესწრნენ, ახლა კი იტალიაში გადაინაცვლეს. ნოეც და ჯანეტიც "ინსტაგრამის" პირად გვერდზე აქვეყნებენ მოგზაურობის ამსახველ ფოტოებს, ორივეს ფოტოებზე ერთი და იგივე მინაწერებია - "სიყვარული პასუხია" (#loveistheanswer).

კომენტარებში წყვილს ბედნიერებას უსურვებენ და ყველა აღნიშნავს, რომ ძალიან უხდებიან ერთმანეთს:

"გულზე ხელს ვიდებ... მე ჯერ ასეთი შეფერილნი არ მინახავს!"; "ზედმეტად ლამაზია ჯანეტი, სასწაული! მიხარია ნოე შენი ბედნიერება"; "რა გოგო მოხიბლა! ყოჩაღ ნოეს, ბედნიერებას გისურვებთ"; "აქამდე სად იყავით? ერთმანეთისთვის ყოფილხართ შეფერილნი, როგორ უხდებიან ერთმანეთს და რა დახატული შვილი გეყოლებათ" - წერენ ინტერნეტმომხმარებლები ფოტოების კომენტარებში.

"მის საქართველო" ჯანეტ ქერდიყოშვილი და ტელეწამყვანი და პროდიუსერი ნოე სულაბერიძე ცოტა ხნის წინ დაინიშნენ. წყვილმა ნიშნობის ამსახველი ფოტოები სოციალურ ქსელებში გამოაქვეყნა.