ავტორი:

ქობულია მმართველ გუნდთან კონფლიქტზე - "ვერ გავითავისე თამაშის წესები... თავიდანვე მქონდა განცდა, რომ მინისტრად ჩემს დანიშვნას ნანობდნენ"

ქობულია მმართველ გუნდთან კონფლიქტზე - "ვერ გავითავისე თამაშის წესები... თავიდანვე მქონდა განცდა, რომ მინისტრად ჩემს დანიშვნას ნანობდნენ"

ბოლომდე ვერ გავითავისე თამაშის წესები, - ამის შესახებ საქართველოს ეკონომიკისა და მდგრადი განვითარების ყოფილმა მინისტრმა გიორგი ქობულიამ მასსა და მმართველ გუნდს შორის არსებული კონფლიქტის კომენტირებისას განაცხადა.

ქობულიას თქმით, ის თავის წილ პასუხისმგებლობას იღებს იმაზე, რაც მოხდა, რადგან მინისტრს თავიდანვე უნდა გაერკვია ის თამაშის წესები, რასაც გუნდი სთვაზობდა.

"ის, რაც მე მომივიდა, ამაში ძალიან დიდი წილი არის ჩემი პასუხისმგებლობის. ალბათ უფრო მეტი ძალისხმევა და დრო უნდა დამეხარჯა ჩემს საუბრებში მანამდე, სანამ მივიღებდი გადაწყვეტილებას ხელმძღვანელებთან, რომ უფრო კარგად გამერკვია თამაშის წესები. თუ ამ თამაშის წესებს რაღაცა ნაწილში არ ვეთანხმებოდი, ეს მე თავიდანვე უნდა გამეთავისებინა და მიმეღო მხედველობაში მაშინ, როდესაც ვიღებდი გადაწყვეტილებას გავმხდარიყავი თუ არა მინისტრი. როცა უერთდები გუნდს, უნდა იცოდე, რომ თამაშის წესებით უნდა ითამაშო. მივიღეთ ის, რომ მე ბოლომდე ვერ გავითავისე თამაშის წესები, ან ვერ გავიგე, არ დავხარჯე საკმარისი დრო, რომ ეს გამეგო და მოხდა ის, რომ, რაც მეგონა დასაწყისში, ეს არ გამართლდა. ამის შემდეგ მოხდა ის კონფლიქტი, რაც მოხდა“,-აცხადებს გიორგი ქობულია გადაცემაში "ფორბსის კვირა".

მისივე განცხადებით, მას თანამდებობიდან გათავისუფლებამდეც ჰქონდა იმის განცდა, რომ მინისტრად მის დანიშვნას მმართველ გუნდში ნანობდნენ.

კითხვაზე, შესაძლებელია თუ არა, არსებობდეს ვარაუდი, რომ გიორგი ქობულიას თანამდებობაზე დანიშვნას, სექტემბერ-ოქტომბერშივე ნანობდნენ, ეკონომიკის ყოფილმა მინისტრმა უპასუხა, რომ შესაძლოა ასე ყოფილიყო.

"საქმე ისა, რომ ამის განცდა თავიდანვე მქონდა. რაღაც პერიოდში გამიჩნდა ეს განცდა. რა თქმა უნდა, ბოლომდე არ ვიყავი ამაში დარწმუნებული, მაგრამ ნელ-ნელა ამ განცდამ უფრო მკაფიო სურათი ჩამოაყალიბა" - განაცხადა გიორგი ქობულიამ.

VIDEO: ქობულია მისი გათავისუფლების დეტალებზე ალაპარაკდა - "კარგად უნდა გამერკვია თამაშის წესები"

LIVE: ალეკო ელისაშვილი და გიორგი ვაშაძე "ნიუსრუმში"

ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად

"პიკეტირება გაგრძელდება" - რას გეგმავენ "სირცხვილიას" ორგანიზატორები და როგორ არიან  აქციის დაშლის შედეგად დაშავებულები