ავტორი:

"ეს რა სისულელეს შეეწირეთ..." - 15 აპრილს თბილისში მომხდარი ავარიის შემდეგ კომაში მყოფი ბიჭი გარდაიცვალა

"ეს რა სისულელეს შეეწირეთ..." - 15 აპრილს თბილისში მომხდარი ავარიის შემდეგ კომაში მყოფი ბიჭი გარდაიცვალა

თბილისში 15 აპრილს მომხდარი ტრაგიკული ავტოსაგზაო შემთხვევის დროს დაშავებული ახალგაზრდა საავადმყოფოში გარდაიცვალა.

16 წლის ბექა (ბიკი) ჭიღიტაშვილი რამდენიმე კვირის წინ იმ ავტომანქანაში იჯდა, რომლითაც 4 ახალგაზრდა მაღალი სისწრაფით ხეს შეასკდა და ავარიის დროს 16 წლის ნიკა ჯორჯაძე ადგილზე დაიღუპა. ნიკა ჯორჯაძე "აგროჰაბის" მარკეტინგის მენეჯერის სალომე გველესიანის და საქართველოს საავტომობილო ფედერაციის ვიცე-პრეზიდენტის მევლუდ მელაძის შვილი იყო.

ბექა (ბიკი) ჭიღიტაშვილის გარდაცვალების შესახებ "ფეისბუქის" პირად გვერდზე ავარიის დროს გარდაცვლილი 16 წლის ნიკა ჯორჯაძის დედამ სალომე გველესიანმა დაწერა და შვილის და მისი მეგობრის ერთობლივი ფოტოები განათავსა.

"ეს რას შეეწირეთ, რა სისულელეს შეეწირეთ... თქვენ მოგიკვდით მე" - წერს სალომე გველესიანი.

არსებული ინფორმაციით, სკოლის მოსწავლე ბიკი ჭიღიტაშვილი ავარიის მომენტიდან კომაში იყო, თუმცა მისი მდგომარეობიდან გამოყვანა ვერ მოხერხდა.

15 აპრილს დიდი სიჩქარით მოძრავი ავტომობილი, რომელშიც 4 ახალგაზრდა იჯდა, ხეს შეეჯახა. ავარია იმდენად ძლიერი იყო, რომ შეჯახების ხმა ადგილიდან 1 კმ-ში გაისმა. შემთხვევის ადგილზე მისულებს მანქანაში წინ მსხდომები პანიკაში დახვდათ, უკანა სავარძელზე მჯდომი 16 წლის ახალგაზრდა - უგონოდ, 16 წლის ნიკუშა ჯორჯაძე კი - გარდაცვლილი.

სარალიძის მკვლელობისთვის მსჯავრდებულ გიორგი ჯანაშიას ათავისუფლებენ - მიხეილ კალანდიას ბიძა

ბაგებში სროლისას ორი ადამიანი დაშავდა - რას ამბობენ შსს-ში

სროლა ბაგებში - ადგილზე პოლიციაა მობილიზებული