ინტერნეტში პორნოგრაფიის ყველაზე ფართო მომხმარებელი პაკისტანია

ინტერნეტის საძიებო სისტემებში პორნგრაფიის თემაზე მოთხოვნათა რაოდენობის მიხედვით, მსოფლიოში პაკისტანი ლიდერობს. ამის შესახებ ტელეარხი Fox News, ანალიტიკურ სერვისებზე Google Trends-სა და Google Insights-ზე დაყრდნობით აცხადებს.

პაკისტანელები საძიებო ველში ყველაზე ხშირად წერენ სიტყვებს: "სექსი", "სექსი მოზარდებთან", "გაუპატიურება", "ზოოფილია" და ა.შ.  

აღსანიშნავია, რომ პაკისტანი არასასურველი ვებ-რესურსების დაბლოკვის პოლიტიკას აქტიურად ატარებს. ქვეყანაში დაბლოკილია, სულ ცოტა, 17 საიტი, რომლებიც "შეურაცხმყოფელად" ან "ღვთისმგმობად" მიიჩნიეს.

გარდა ამისა, ქვეყნის ხელისუფლება საძიებო სისტემებს Google-ს, Bing-სა და Yahoo-ს, ასევე პორტალებს MSN-ს, Hotmail-სა და ვიდეოჰოსტინგს YouTube-ს მუდმივად აკონტროლებს. ახლახან ერთ-ერთმა პაკისტანელმა იურისტმა ანტიისლამისტური Facebook-ის გავრცელების გამო, მისი დამაარსებლის მარკ ცუკერბერგის მკაცრად დასჯა მოითხოვა.

მომზადებულია newsru.com-ის მიხედვით.