ხულოს მერობის კანდიდატს პირადობის მოწმობა სახლში დარჩა

ხულოში "ერთიანი ნაციონალური მოძრაობის" მერობის კანდიდატი ირაკლი ჯორბენაძე საარჩევნო უბანთან ოჯახის წევრებთან ერთად მივიდა, თუმცა პირადობის მოწმობა სახლში დარჩა.

პირადობის მოწმობის არქონის გამო, მერობის კანდიდატი 15 წუთის განმავლობაში ხმას ვერ აძლევდა.

"პირადობა სახლში, პიანინოზე დამრჩა და მალე მომიტანენ", - განაცხადა ჯორბენაძემ ხმის მიცემამდე.

საბოლოოდ, "ნაციონალური მოძრაობის" კანდიდატმა საკუთარი არჩევანი გააკეთა ხულოს პირველ საარჩევნო უბანზე.

საარჩევნო პროცესი მშვიდ ვითარებაში მიმდინარეობს ხულოში, სადაც მერობის 14 კანდიდატია დარეგისტრირებული:

“მოძრაობა სახელმწიფო ხალხისთვის” - ვახტანგ ბერიძე; “ქრისტიან‐დემოკრატიული მოძრაობა” - იოსებ თავართქილაძე; “ერთიანი ნაციონალური მოძრაობა ‐ გაერთიანებული ოპოზიცია” - ირაკლი ჯორბენაძე; “თავისუფალი საქართველო” - საბა ბობოხია; “საქართველო” - ზურაბი ჯორბენაძე; “მოძრაობა თავისუფალი საქართველოსთვის” - ზურაბ ცინცაძე; “მოძრაობა სოციალური სამართლიანობისათვის” - ზურაბ ხიმშიაშვილი; “პოლიტიკური პლატფორმა ‐ ახალი საქართველო” - მამუკა ქობულაძე; “თავისუფლება ‐ ზვიად გამსახურდიას გზა” - გია გაბეშია; “საქართველოს ძალოვან ვეტერანთა და პატრიოტთა პოლიტიკური მოძრაობა” - ირაკლი ტუნაძე; “ეროვნულ‐დემოკრატიული პარტია (ედპ)” - ნუგზარ ფუტკარაძე; “ქრისტიან‐კონსერვატორები” - ზაურ კომახიძე; “ქართული ოცნება ‐ დემოკრატიული საქართველო” - ვახტანგ ბერიძე; საინიციატივო ჯგუფი - როლანდ აბულაძე.