თბილისის ულამაზესი ხედები 31-ე სართულიდან და მარკეტერების კულინარიული შეჯიბრი - #CHEFმარკეტერი გრძელდება

კულინარიული შეჯიბრი #CHEFმარკეტერი გრძელდება. ჟურნალ "გემრიელიას" მორიგ ღონისძიებას, ამჯერად სასტუმრო „ბილტმორის“ ბარ-რესტორანმა "ზიმი" უმასპინძლა. 31-ე სართულიდან თბილისის უმშვენიერესი ხედების ტკბობის პარალელურად, 7 კომპანიის წარმომადგენელი ერთმანეთს გემრიელი სალათის მომზადებაში ეჯიბრებოდა.

"ბიუ-ბიუს“, “სანტეს“ "რედკოს", "კინგ დევიდის", თეგეტა მოტორსის", ჯიპისის", „თიბისისა“ და „ბადაგონი“ მარკეტინგის მენეჯერებმა თავიანთი კულინარიული შესაძლებლობები საზაფხულო, დაგრირული ბოსტნეულის სალათის მომზადებაში გამოავლინეს. რვა კონკურსანტმა კერძს საკუთარი ინდივიდუალურობა და პიკანტური გემო შემატა. მონაწილეებს შორის გამარჯვებული პროფესიონალმა ჟიურიმ გამოავლინა.

#CHEFმარკეტერის მაისის თვის გამარჯვებული „ტეგეტა მოტორსის“ მარკეტინგის მენეჯერი ვანცა ღვედაშვილი გახდა. ღონისძიების სპონსორი, "კოლორპაკი" და გამომცემლობა "პალიტრა L" გახლდათ, რომლებმაც მონაწილეებისთვის პრიზები დააწესეს. მონაწილეებმა და ღონისძიების სტუმრებმა სასტუმროს 30-ე სართულზე მდებარე “ზიმის” უგემრიელესი სამზარეულო დააგემოვნეს.

გვანცა ღვედაშვილი, #CHEFმარკეტერის გამარჯვებული:

"კულინარია ძალიან მიყვარს. ჩემი ჰობია, განსაკუთრებით ცხობა მიყვარს. დღეს გამარჯვებას ნამდვილად არ ველოდი. გამოვიყენე ყველა ინგრედიენტი, რაც კი მქონდა მოცემული. თუმცა, აქცენტი მაინც პომიდვრის სოუსზე გავაკეთე. ვფიქრობ ამ სტრატეგიამ გაამართლა".

ბილტმორის მარკეტინგი, ჟიურის წევრი - ნინუცა ჩეჩელაშვილი:

"#CHEFმარკეტერი ჩვენთვის ძალიან საინტერესო პროექტია. ასევე, არის ძალიან კარგი პალტფორმა იმისთვის, რომ მარკეტერებმა სხვა რაკურსით გამოავლინონ თავი. რაც შეეხება "ბილტმორს", ვფიქრობ ძალიან კარგი კოლაბორაცია შედგა. ჩვენც "შეფ-მარკეტერის" მსგავსად გვაქვს ერთნაირი ხედვა კერძებთან დაკავშირებით.

ღონისძიება გაიმართა ბილტმორის 31-ე სართულზე, „ზიმ ბარში", რომელიც არის ერთ-ერთი გამორჩეული ადგილი თავისი კერძებითა და ხედებით. ვფიქრობ თითოეული მონაწილე ძალიან სერიოზულად მიუდგა კერძის მომზადებას. არჩევანის გაკეთება არ იყო მარტივი. ჩვენმა მთავარი შეფმა გემოს და ვიზუალის მხრივ ყველა კრიტიკულად შეაფასა და გამარჯვებულიც ობიექტურად გამოვლინდა.

რაც შეეხება გამარჯვებულის კერძს, ვფიქრობ გემოვნებით იყო დაბალანსებული მისი კერძი და არ იგრძნობოდა გადაჭარბება. სწორი გადაყწვეტილება მივიღეთ ჟიურის წევრებმა" - აღნიშნა ჩეჩელაშვილმა.

ფოტო: ვანო გორგიშვილი