ფოტო, სადაც ბიჭი ლამპიონის შუქზე კითხულობს, მილიონობით ადამიანმა გააზიარა და ბავშვის ცხოვრება რადიკალურად შეიცვალა

რამდენიმე თვის წინ ინტერნეტში ვირუსულად გავრცელდა ფოტოები, სადაც ჩანს, როგორ მეცადინეობს 11 წლის პერუელი ბიჭი ლამპიონის შუქზე, რადგან დედამ ელექტრო ენერგიის გადასახადის დაფარვა ვერ შეძლო. The Mirror წერს, რომ ვიქტორ მარტინ ანგულო კორდობას სურათი წიგნით ხელში მილიონობით ადამიანმა გააზიარა.

ფოტო ბაჰრეინელმა მილიონერმა ფილანტროპმა, იაქუბ იუსუფ აჰმედ მუბარაქმაც ნახა. 31 წლის ბიზნესმენი პერუში ჩავიდა, რათა ბიჭი ენახა და დახმარებოდა.

ადგილობრივი გამოცემა წერს, რომ მუბარაქმა ბიჭის სახლს რეკონტრუქცია ჩაუტარა და პატარა ქოხი 2 სართულიან სახლად აქცია.

იაქუბმა, რომელსაც ვიქტორის მსგავსი ბავშვობა ჰქონდა, ბიჭის დედისთვის ბიზნესიც წამოიწრო, რომ საკუთარი თავის რჩენა დამოუკიდებლად შეძლონ. ამას გარდა, ბაჰრეინელი ფილანტროპი ფინანსურად ვიქტორის სკოლასაც დაეხმარა.