ბორჯომიდან გაუჩინარებული მეცხრეკლასელი გოგონები იპოვეს

ბორჯომიდან დღეს დილით გაუჩინარებული ორი მოზარდის ადგილსამყოფელი ცნობილია. პოლიციამ მეცხრეკლასელი გოგონები ზესტაფონში იპოვა. სამართალდამცავებმა აღნიშნული ინფორმაცია ბავშვების მშობლებს რამდენიმე წუთის წინ მიაწოდეს. ერთ-ერთი გოგონას მამის თქმით, ზესტაფონიდან ბორჯომში მოზარდებს პოლიცია ჩაიყვანს.

ბორჯომის 1-ლი საჯარო სკოლის ორი მეცხრეკლასელი გოგონა დღეს დილით გაუჩინარდა. მათი ადგილსამყოფელის დასადგენად ოპერატიულ-სამძებრო ღონისძიებები დაახლოებით 10 საათის განმავლობაში მიმდინარეობდა.