ავტორი:

ვინ არის კომუნისტი სერგეი გავრილოვი, რომელიც დღეს საქართველოს პარლამენტში სესიას უძღვებოდა

ვინ არის კომუნისტი სერგეი გავრილოვი, რომელიც დღეს საქართველოს პარლამენტში სესიას უძღვებოდა

რუსეთის დუმის დეპუტატი სერგეი გავრილოვი, რომელიც დღეს საქართველოს პარლამენტის თავმჯდომარის სავარძლიდან საქართველოს პარლამენტში მართლმადიდებლურ ასამბლეას უძღვებოდა, რუსეთის კომუნისტური პარტიის წევრია.

გავრილოვი 1966 წელს ტულაში დაიბადა. 1989 წელს მოსკოვის ლომონოსოვის სახელობის სახელმწიფო უნივერსიტეტი დაამთავრა და 90-იან წლებში რამდენჯერმე სცადა პარლამენტში მოხვედრა, თუმცა უშედეგოდ. მას მესამე მცდელობისას გაუმართლა და 2007 წელს დუმის დეპუტატი გახდა.

რუსული მედია წერს, რომ გავრილოვი ხშირად ჩადის ხოლმე ცხელ წერტილებში - მათ შორის, საომარი მოქმედებების დროს იმყოფებოდა აფხაზეთშიც. ქართული ოპოზიციის წარმომადგენლების ინფორმაციით, გავრილოვი აფხაზეთში უშუალოდ საბრძოლო მოქმედებებში იყო ჩართული. თუმცა, აღნიშნული ინფორმაციის შესახებ, რუსულ წყაროებში არაფერი იძებნება.

„ქართველების სისხლის დამღვრელი, კაგებეშნიკი კომუნისტი გავრილოვის პატივით შემოშვება, ოცნების მთავრობის საეტაპო პოლიტიკური განაცხადია,“ - წერს „ფეისბუქზე“ გიორგი კანდელაკი.

თავად რუსი დეპუტატი ამბობს, რომ საქართველოში ყოფნა მისთვის კომფორტულია და რუსეთმა და საქართველომ ურთიერთობების სხვა მიმართულებითაც უნდა განაახლონ.

"მე ვფიქრობ, წვლილი უნდა შევიტანოთ არა მხოლოდ ტურიზმსა და ბიზნესში, არამედ კულტურაშიც. ასევე, მინდა ვუპასუხო ფეიკნიუსებს, რომელიც ქართული მედიით გავრცელდა. არასოდეს გავრილოვს არ მიუღია მონაწილეობა საბრძოლო მოქმედებებში აფხაზეთის ტერიტორიაზე, ეს სიცრუეა", - განაცხადა გავრილოვმა.

საქართველოს პარლამენტში რუსი დეპუტატების გამოჩენას ოპოზიციონერი პარლამენტარების პროტესტი მოჰყვა. მას შემდეგ, რაც სესიაზე ხანმოკლე შესვენება გამოცხადდა და ასამბლეის მონაწილე დელეგატები ფოიეში გავიდნენ, "ევროპული საქართველოს“ დეპუტატებმა ელენე ხოშტარიამ, გიორგი კანდელაკმა, სერგო რატიანმა და ოთარ კახიძემ პარლამენტის პლენარულ სხდომათა დარბაზში, სპიკერატი დაიკავეს და განაცხადეს, რომ გავრილოვს სასესიო დარბაზში დარბუნების საშუალებას არ მისცემდნენ.

საბოლოოდ, მართლმადიდებლობის საპარლამენტთაშორისო ასამბლეის სხდომ, რომელსაც სერგეი გავრილოვი უძღვებოდა, ჩაიშალა.

LIVE: ალეკო ელისაშვილი და გიორგი ვაშაძე "ნიუსრუმში"

ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად

"პიკეტირება გაგრძელდება" - რას გეგმავენ "სირცხვილიას" ორგანიზატორები და როგორ არიან  აქციის დაშლის შედეგად დაშავებულები